Yacedkel 17:21 - NABUWWA KEE MALIKWA

²¹ A carbit kaak mango qaskaray agiirah tanihiyya edde rabele. Rabak raqtem kulli kabul fixixih gexele. Tahat yabtam yoo YALLA kinnim too saaku aaxigelon» iyye.

Yacedkel 17:21 ပူးပေါင်းရင်းမြစ်များ

2 Malikwa 25:11

Tohuk gaba kale waqdi, Nabudardanay qaskar abbah yenehiyya magaalah addal raaqeh suge mara kee, gabâ-naggarinna luk yen mara kee, qeebi yekke way Baabelon qaxat gaceh suge Yuudah-mara inkih, Baabelon fan seewah bee.

2 Malikwa 25:5

Takkay immay Baabelon-qaskar Malik-Xidkiyak lakal gexeeniih, Yerikô-magaalah garil tan booxak bagul kaa yibbixen. Kay qaskar inkih kaa cabteh isih kudde.

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Ermiyaas 48:44

A balak kudam faxa num yenek, boodot radele. Boodok waalih gacam faxa num yenek, kaadu ofloh addat radele. Tah dumaak ken elle digaala'gidih eyyeeqe gitaay; ta digaalak way macattiiman. Tahat yabtam yoo YALLA» iyye.

Ermiyaas 52:8

Takkay immay Baabelon-qaskar Malik-Xidkiyak lakal gexeeniih, Yerikô-magaalah garil tan booxak bagul kaa yibbixen. Kay qaskar inkih kaa cabteh isih kudde.

Yacedkel 12:14

Kay taamak abbobtih yen maraay, kaat dacayrih yan mara kee, kay qaskar kulli ikke fixixih ruubeyyo. Ken qidu waa mara kaadu lakat keenik ruubeyyo.

Yacedkel 13:14

Isin noora elle hayten gidaar bayseyyooh; gidaarak guba rakiiboh heen xeet qasunuk raqqa 'yam fanah, bututtukku heeyyo. Gidaar rada waqdi, isin addat akak bayetton. Anu YALLA kinniyom too saaku yok aaxigetton.

Yacedkel 13:23

Tahaysa able wayten wacyiy ‹Nubleh› intaanahiyya kee, akke waytu waytaamay ‹Akkele› axcuk dirab akak teceenihiyyah dirab gaba kaleh. Anu YALLA kinniyom yok elle taaxigeeni'gidih, inni mara sin gabak currih ayyaaqeyyo» iyya.

Yacedkel 15:7

Naharsi girak yisillimeenih immay, away gersi girat cararelon. Anu ken digaala saaku, YALLA kinniyom yok aaxigetton.

Yacedkel 5:10

Yarusalaamey, anu kot abu waa digaalah, xaleena xayloh-cado akmeleeh; xaylo xaleenah-cado akmele. Too bis le kaxxa digaalah sin digaaleyyooh; wohuk raaqe mara fixixih kulli kabul ruubeyyo.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.

Yacedkel 5:13

«Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

Yacedkel 5:2

Sidooca exxak, exxak teena magaala edde abbaxuk sugen marok caban saaku, magaalah addal gira edde rub. Nammeyhaytoh af magaalak addal elle gexamgexxaamal seefit irgiggiqay qid. Sidochaytoh af caacayat rub. Tonnal anu seef haysitta heeh woo marah ayraddeyyo.

Yacedkel 6:10

Anu YALLA kinniyom yok aaxigelon. Maabina keenik excem abeenik, ken bayisu duuda Dagelta kinniyom aaxaguk raaqelon» yok iyye.

Yacedkel 6:7

Sahda kulli ikkel keenik qidelon. Too waqdi YALLA kinniyom yok aaxigelon.

Qaamus 9:1

Qaamus kaadu qagseh iyyemii, «Goyti sadgat elle aban mansafih xaqul soolah uble. Too waqdi iyyeemih: ‹Dooqa elle aban qarih culmah ranko tangayyem fanah, qari elle soola qamiddu utuk. Butukka haay qari sinaamal akah yaddigille innah ab. Too qari elle yiddigille marak kalih maray raaqehiyya anu seefit seleyyo. Yaawweenimih mayasilliman. Yasillimeenim yakkaleenimih rabak mawaddiiman.