Yacedkel 16:8 - NABUWWA KEE MALIKWA

⁸ « ‹Sarra aki saaku wokkek gaca waqdi, dadalteeh baxuwwa tekkem kok uble. Qasunuk kok yan xagaral inni saroh exxa koh hayya heeh, koo kiciyyom koh warseh. Tokkel kol digibeyyoomuh qahdi koh culeeh; koo abiteeh yim tekke. Tahat yabtam yoo YALLAY Mulki lehiyya› iyye.

Yacedkel 16:8 ပူးပေါင်းရင်းမြစ်များ

Yasaqya 43:1

Tonna'mmay ta saaku hay, YALLI siinik iyyam le; Israayiley, sin yuklukeeh inki mara sin abe Dagelti siinik iyyam le. Toh macaay inteenik, «Sin waddem yook, mameysitina. Migaaqal siinih seeceeh; yi mara kinniton.

Yasaqya 43:4

Yi garil muxxo leeh kunnabna le mara kinnitoonuuh, sin kiciyyo. Tohuk gexxaamah sin aftok sinam aceeyyo; sin roocih gidyatah mango baaxoh ummatta aceeyyo» siinik iyyah yan.

Ermiyaas 31:3

Israayil ummatey, anu kulli way sin kiciyyo. Tonna leemiik liyo diggay way kore waytat sin dacrisa.

Ermiyaas 31:32

Too saaku ken lih hayu waa qahdi, anu gaba keenik xabba heeh, Masrik ken eyyeeqe saaku, ken abbobti luk abe qahdi innah yan qahdi mayakka. Too saaku baqli barrah elle yamqeeh amo teetik elle wagta gurral, anu kaadu ta marah muqukuuy amo keenik wagitak suge'mmay, tohuh ken lih abe qahdi yol makeenih.

Yacedkel 16:6

« ‹Anu gita gexa waqdi, isi qabalat abrakuk yoh sugte. Xagar inkih ku qabalat kok bayeh sugeh immay, rabak koo cateh.

Hosiqa 11:1

YALLI iyyeemih, «Israayil qunxuk yen saaku kaa kicinuk en. Tonna leemiik, inni baxih innal, Masrik addak kaah seece.

Hosiqa 2:15

Duma luk sugte qinab xala coox teetih gacseyyo. Gadaamâ Golo deqsitta golo, niya elle moqon golo akkele. Tohoysa baxuwwah Masrik tet eyyeeqe saaku akah yoo oggolte'nnah, yoo oggolele.

Hosiqa 2:7

Mareytit lakal ardele'mmay, ken maalelta. Ken gorrisele'mmay ken mageyta. Too waqdi intu waytaamah, ‹Ahaysa inni baqala fan aduuru waa. Away edde an caalatak, duma elle suge inni yoh yayse› axcele.

Malaaki 1:2

YALLI iyyeemih, «Yi maraw, anu kulli way sin kiciyyoh» keenik iyye. Oson kaal gacseenimih, «Nee tikcinem mannal kok naaxige?» iyyen. YALLI too waqdi keenik iyyeemih, «Qiiso kee Yaqkuub toobokok ten. Takkay immay Yaqkuub kee kaak rade mara ikcineeh,

Ruut 3:9

Too waqdi «Atu iyyaay?» teetik iyye. Is inteemih, «Ah yoo Ruutuuy; yi cigsi elle yamaatem koohuk, yoo cigis» kaak inte.

1 Samuwel 12:22

YALLI isih, isi mara sin abuh sin dooreh, tohuk gexxaamah isi nabnah taagah sin macina.