Yacedkel 16:6 - NABUWWA KEE MALIKWA

⁶ « ‹Anu gita gexa waqdi, isi qabalat abrakuk yoh sugte. Xagar inkih ku qabalat kok bayeh sugeh immay, rabak koo cateh.

Yacedkel 16:6 ပူးပေါင်းရင်းမြစ်များ

Yasaqya 14:19

koh kabri madagaanaay; ku raysa caxak yirgiqen luddi innal baaxot qideloonuh, teetit ummatta aaqitele. Ku raysih bagul carbit rabte qaskarih raysitte gacele; sitta lih akeerak iqiya fan oobetton.

Yasaqya 51:23

Siinit xukkutak suge mari woo kobbaayak aaqubele. Woo mari, ‹Siinit taqqa inna'gidih baaxô-bagul inaaqita› siinik iyye waqdi, isin guddaafay ibah edde yaaqiteenih inna tekken. Tohih sabbatah, yok naqbi-kubbaayat aaqubelon» 'yaanam iyyah yan.

Yacedkel 16:22

A dalway edde tanihiyya, duma qunxuk ten saaku elle sugte'nna kassite koo kalteh. Qunxuk ten saakuy isi qabalat abrakuk sugtehiyya elle sugte'nna kase cinteh» iyye.

Yacedkel 16:5

Tahak tu koh abaah, koh xuwaawa num magennito. Tooboke saaku kok sakkiteenih; tonna-leemiik baaxot koo qidda heenih sugen.

Yacedkel 16:7

Yaysubuken caxah innah, meqe'nnal koo qarise. Dadalteeh tembeeh kaxxa qax-maqaane bahte. Kaqooni kot keenah innah gace. Qummi-xagor kok yoobokeh yen. Takkay immay qasunuk teneeh; xagaral saro luk manannito.

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.