Yacedkel 16:50 - NABUWWA KEE MALIKWA

⁵⁰ Kaxxiina luk yeneeniih anu niqbiyom abak yenen. Tohih sabbatah, atu akah tuble'nnah, bayissa ken hee.

Yacedkel 16:50 ပူးပေါင်းရင်းမြစ်များ

2 Malikwa 23:7

YALLIH Qibaadah-Qaril heen aroocay xiiqareh-xiinak-lab-mari elle sugehiyya wokkek kaleh. Agbi, Aseera akak iyyan say-yallah-qibaadah seeka edde gacta kameswa elle bicisak yenem, tokkek teneeh; too arac tokkek kaleh.

Yasaqya 13:19

Baabelon magaala, baaxooxak inkih qaxah tayse magaala. Tet mari teetit kaxxam yakkale. Takkay immay anu Sodom kee Gomorrak akah abe innah, deerik afah tet koriseyyo.

Ermiyaas 20:16

A num, YALLI uma baatih bayse magaaloolik kaxxih, ibak-gibda baati kaa tabbaxay! Saaku boogisa marih xongolo aytil kaak radday; Laqo carbi addat yakke weeqi aytil kaak raday.

Ermiyaas 49:18

Duma Sodom kee Gomorra kee ken dariifal sugte gaandoodit tekke umaane Edomut akkele. Sahdayti teetil wadiriik magaca. Tahat yabtam yoo YALLA» iyye.

Ermiyaas 50:40

Sodom kee Gomorra kee woo namma magaalah xaqul sugte gaandoodit dumah tikka 'tem Baabeloonut akkele. Tohuk wadir sahda Baabelon magaalal dabaaqah wadiriik magacta. Tahat yabtam yoo YALLA» iyye.

Qaamus 4:11

«Sodom kee Gomorrâ magaalooli akah bayse'nnah, mango mara siinik bayseh. Isin raaqe marak, girak raaqe bocoyti innah, radda balah addak raqten. Hay, toh ubulla hayteenih yol maaduurinniton.

Xafanya 2:9

Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.