Yacedkel 16:49 - NABUWWA KEE MALIKWA

⁴⁹ Tet kee tet xaylo ken dudda maaqo geyyaay amaanah gacca iyyen waqdi, kaxxa kaxxiina xagarat keenik gacte. Takkay immay masaakiina kee tu sinni marah cato abak masuginnon.

Yacedkel 16:49 ပူးပေါင်းရင်းမြစ်များ

Yasaqya 1:10

Sodom marih bis le reedonow, YALLI siinik iyyam ankacisa! Gomorrâ-marih bis le ummattey, ni Dagelti siinik aba iyyam oobbeya!

Yasaqya 16:6

Mooyab mari kaxxiinah akah yani'nna noobbeeh, oson anaani kee kaxxiinah qubbuy iyya mara kinnoonum naaxigeh immay, ken tirtira foyya.

Yasaqya 3:9

Oson aban qadli-sinna keenit aamele. Sodom magaalah mari wacarriye'kal dambi akah abe innah, a mari kaadu wacarriye'kal dambi leemit asan. Woyyow keenit takku waytaama! Baati isinnih isinnil baahan.

Yasaqya 47:8

«Hay, tut-baaqid-maleelay tut-carra-maleelay, siinih warisu waak, yok ankacisa. Isin, buxal farcatat yaniih ‹Tu nee maxagta› iyya maraw, ‹Nanu nanih; nek sa tu matan› bagul intaanaah ‹Baqolti nek marabta; xaylo nek qunxih macabaaritta› intan.

Ermiyaas 48:11

YALLI iyyeemih, «Mooyab mari dumah yan saaku amaanah sugeeh, seewah ahaydumah ken orbiseenih masuginnon. Ken tesgeyyem masuginnaay; qibnah innah isinni buxak yewqeenih masuginnon. Tohuk gexxaamah massaamma yubleenih masuginnon.

Yacedkel 16:46

Barah kok naba ku maqanxáy Samaariya deqsittahiyya kee tet xaylo dabaaqah-elle-tanim, atu elle tani'kkek kilbat le kabut raaqa araca. Kok qunxa maqanxá kee dariifal tan gaandoodiy gabbi-qaxat kok raqtahiyya, migaaqah Sodom deqsitta.

Yacedkel 18:12

masaakiina yudlumeeh, sahda buubeeh, abuuduh tu kaak bee num damaanatah kaal cabem gacse weeh, gabat bicsen duyyey Yalla 'yeenih yaqbudeenihiyyah qibaadah heen arooca gexeeh, duyye yuqbudeeh,

Yacedkel 18:16

faxe num adlume weeh, faxe numih duyye buube weeh, abuuduh tu kaak le mari damaanatah kaal cabe duyye woo abuuduh been duyye kaah gacsan waqdi gacseeh, satqita mara yoskomeeh, qarrada mara sarseeh,

Yacedkel 18:7

Sahda maduquurusa. Marin cakki mabeya. Lakqo abuuduh sinaamah yecee waqdi damaanatah luk raaqa duyye, abuuduh been duyye kaah gacsan waqdi, beeh suge duyye gacsa. Satqita mara yaskameeh, qarrade mara sarsah.

Yacedkel 23:42

Bacarih tan baaxok temeete labha gaabowwa 'teeh, waxxaq axcuk yeneeniih; taaxige barra kee maqanxah carayat bila heeniih, amot qax-meqe kalabta heen.

Yacedkel 28:17

Litoh tan qax-maqaane kaxxiina koo bahsisseeh, migaq-gexxoy luk sugte hawri koo cabsisseh. Tohuk gexxaamah xabba koo heeh, baaxot koo qide. Kot tekkem tuble malikwa, tah net akkeleh, axcuk, akah meysitta 'ta digaalah koo digaale.

Yacedkel 28:2

«Bani-adantow, Suur magaalah malikik intaamah: YALLAY Mulki lehiyya kok iyyaamah, ‹Kaxxiinah qaffuddaah yalla is takkale. «Yalla kinniyooh bad maroh edde yan korsil an» 'yaanam inta. «Kasah Yallih innah an» intaah, Yalla is celsissa'mmay, sahdaytu kinnito ikkal Yalla hinnito.

Yacedkel 28:9

Hay, koo qidoonuh yamaaten saaku, anu Yalla kinniyo keenik maay axcettoo? Koo qidu waa mari kol yamaatu waa saaku, Yalla hinnitoy bani-adantu kinnitom koh ambulleele.

Yacedkel 29:3

Kaak intaamah, ‹YALLAY Mulki lehiyya, «Weeqayti gudel yan kaxxa xabaado ceela numow, anu naqboyta kok ekkeh an» kok iyyah yan› kaak inxic. «Niil weeqayti yiimiiy; anu innih kaa bicse» 'yaanam inta.

Daaniyel 4:30

iyyeemih, «Baabelon magaala manxu nabaah! Anu inaytâ-magaalah tet akah xisem, inni qande kee inni caylaay; inni nabna kee inni hayba elle aybulle'gidi»

Daaniyel 4:37

Tonna leemiik yoo Nabkadnessar qaraanal yan Malik faylisaah kaa assakaxxeh. Usuk le nabnat yaabah, usuk abba heem inkih cakkik taniimiiy, kay giti cakki gita. Kaxxiina le marak kaxxiina kalu dudda le» 'yaanam iyye.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Qobadya 1:3

Isin liton kaxxiina sin aylahisseh. Boolaalik addat inaytah magaala liton. Buxaaxi siinik fayya le aroocal tenek sah, ‹Akkek iyyi nee oobisu duudah?› bagul intan.