Yacedkel 16:47 - NABUWWA KEE MALIKWA

⁴⁷ Atu kaadu ken raat katatteeh; oson abak sugen uma taamat asse. Atu uma taama qimbissem qusba saaku'mmay, keeniy dumaak abak sugehiyyak lafissa hayte.

Yacedkel 16:47 ပူးပေါင်းရင်းမြစ်များ

1 Malikwa 16:31

Kaak dumal malikih suge Nabát-Yarobqam abak suge umaane kay garil inkinnah tuk masuginnaay, dambi abitto wohuk lafittam baahe. Etbaqal-deqsita-numuy Saydâ-marak-malikih yenehiyyak Idebal-deqsitta-baxá rihimih abite. Tohuk lakal Baqal akak iyyaanam diini-maleela Yallih aftok taqbudehiyyah qibaadat gace.

2 Malikwa 21:16

Manasse, Yuudah-ummatta Yallih-gita cabba hayteh YALLAL dambi lem baahaanamat asise. Too dambik kalah kaadu ossotinah, Yarusalaam-gitittel qabal weeqi innah caxitam fan mango masaakiinay tu baahe wayte qide.

2 Malikwa 21:9

Takkay immay Manasse, Yuudâ-mara, duma woo baaxol suge maray YALLI ken taagah woo baaxok yeyyeeqehiyya abak suge dambik lafita dambit ken asise.

Ermiyaas 3:7

Too uma-taamak lakal, yol aduureloonum akkaluk suge'mmay, yol maaduurinnon. Yuudâ-mari, anu Israayil mara xiiriyeeh; innik ken eyxeerem yubleenih. Ken akah eyxeerem, ken uma-taama kinnim yubleenih. Takkay immay keenik maysinnoonuuy, keenik kaxxih, uma-taama-leela yekken.

Yacedkel 16:48

«Waara YALLAY Mulki lehiyya kinniyooh; inni migaaqal xiibita'mmay, ku maqanxá Sodom kee tet dariifal tan gaandoodi, koo kee kok dariifal tan gaandoodi abtem maabinnon.

Yacedkel 16:51

«Samaariyah tu gactek, dambik atu bahteemik garab maabinna. Teetik fula kaxxa dambit assem koo. Koo kee ken abto tittal wagga haan waqdi, oson ku garil tu abe weenih gide.

Yacedkel 16:52

Tonna-leemiik isih abte qaybih isih lakmisetto. Ku dambi kaxxa dambi kinnuk, ku maqanxix abem kee ku qaybi tittal wagga haan waqdi, ku dambih garil ken dambi foyya. Ku maqanxix ku garil tu'qellat sinni marak loowimem abaluk, abte umaanet wacarriyaay; isih abte qaybih lakmis» iyye.

Yacedkel 8:17

Too waqdi Yalli yok iyyeemih, «Bani-adantow, tamah table koo hinna! Yuudâ-mari tama'kkel abah yan umam-yabuli tableh tanik, ah celtam kinnii? Kulli waqdi qamalliinok aade waanaah; anu anqibinnaanim abaanam celtam kinnii? A diini-maleela gacak gactam elle aban inna maay tablee?