Yacedkel 16:46 - NABUWWA KEE MALIKWA

⁴⁶ Barah kok naba ku maqanxáy Samaariya deqsittahiyya kee tet xaylo dabaaqah-elle-tanim, atu elle tani'kkek kilbat le kabut raaqa araca. Kok qunxa maqanxá kee dariifal tan gaandoodiy gabbi-qaxat kok raqtahiyya, migaaqah Sodom deqsitta.

Yacedkel 16:46 ပူးပေါင်းရင်းမြစ်များ

Yasaqya 10:11

Samaariya kee tet addal yaqbuden yallitteh-ceelo bayseeh; tonnah kaadu, Yarusalaam kee tet addal yaqbuden yallitteh-ceelo bayseyyo› axcuk tirtirisa» iyye.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Yacedkel 16:27

«Tonna leemiik koo digaaluuy, ku baaxoy barkat lehiyya koo waysiisuh ugteh en. Koo niqba *Filistiin maray atu abtah tan umâ-yabuli xiqe waahiyyah gabal koo hee.

Yacedkel 16:51

«Samaariyah tu gactek, dambik atu bahteemik garab maabinna. Teetik fula kaxxa dambit assem koo. Koo kee ken abto tittal wagga haan waqdi, oson ku garil tu abe weenih gide.

Yacedkel 16:61

Kaxxa maqanxix kee qunxa maqanxix xayloh innal kol gacisu waa saaku, duma abtem kassa haak wacarriyetto. Duma haysinne bical exceh suge weemiiy, away kok axcem, ken ku xaylo abeyyom koh warsa.

Yacedkel 23:11

«Tet maqanxá Oholiba kaadu ah tuble'mmay, dalwa kee uma-taamah isi maqanxak lafittam bahte.

Yacedkel 23:2

«Bani-adantow, dumah yan saaku inki ina le namma maqanxá sugte.

Yacedkel 23:4

Keenik barah naba maqanxá migaaqah Ohola deqsitak ten. Ohola, Samaariya deqsitta magaala kinni. Qunxa maqanxá Oholiba deqsitak teneeh, is kaadu Yarusalaam magaala kinni. Anu ken nammayal rihimeeh, xaylo yoh xalen.

Yacedkel 26:6

Teetik baddi-afal raqtah tan mandarittel yan mara seefit selelon. Suur mari YALLA kinniyom too saaku yok aaxigelon» iyye.

Hosiqa 11:8

Kaadu qagseh iyyeemih, «Israayil maraw, siinit darre cabam yoh mabicta. Siinit takkeemik tibba axcem yoh matakka. Adma deqsita aracak akah abe'nnah, sin maay baysoo? Xiboyimil baahem siinil maay baahoo? Toh baaham maduuday, kaxxam sin kiciyyo.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Miika 1:5

Tah inkih akah takku waytam, Israayil mari edde ase dambih sabbata. Israayil mari Yallih yab cineh. A mara dambit asissem iyyaay? Keenik inaytah tan Samaariyah magaala. Yuudâ-rasul xeet kee cooxut aban qibaada ankeey? Yarusalaam magaala.

Makaabon 19:22

Tonnal farcatat yanin waqdi, magaalah addal tan labhay taama akak toomehiyya garciik qari keenik marot heen. Qari afa keenil kaxxam yoogoren. Qari le numuk, «Ama ku buxa yemeete num annah afah nel eyyeq; fido kaat fanxa'gidih neh kaa eyyeq» iyyen.