Yacedkel 16:40 - NABUWWA KEE MALIKWA

⁴⁰ «Xeetit koo qidaah, seefit xagar kok kuramkuru waa mara kot ugselon.

Yacedkel 16:40 ပူးပေါင်းရင်းမြစ်များ

2 Aydaad 36:17

YALLI Baabelon-malikiy qeebit ken selu waahiyya keenit ruube. Too malik furrayna sella keenik heeh Yallih Qibaadah-Qarih addal sugte furraynah agantah sella keenik hee. Qunxa num takkuu, idoolite num takku, lab-num takkuu, say-num takku, num keenik macabinnaay, numuh keenik maracmatinna. Yalli makkook ta malikih gabal ken hee.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Yacedkel 23:10

Too mari xagarak saro teetik kalla heenih qasunuk tet caben. Say-xaylo kee lab-xaylo teetik seewah been. Tet seefit qiden. Agbi elle aninnaan ikkel, tet camit gace.

Yacedkel 23:25

Anu koo inqibeemih sabbatah, oson koo yinqibeenih faxem kok abitoonay axceyyo. San kee aytiita kok argiqelon. Seefit koo qidelon. Say-xaylo kee lab-xaylo kok seewah beeloonuuh, kok raqtem girat carriselon.

Yacedkel 23:47

Too mari xeetit ken rekkaaqiyaama. Seefit ken mudoonay; xaylo keenik qidoonay; buxaaxi keenik carrisoonay.

Yacedkel 24:21

Israayil marak intaamah, ‹YALLAY Mulki lehiyya siinik iyyaamah: Ama yi Qibaadah-Qarit kaxxam takkaleeniih intih wagittaanam siinit meqeeh, kaa fan gexxaanam kaxxam kicintoonuh immay, yooy YALLAH yani ama qari nadaasa abba heeleeh; too magaalal raqta say xaylo kee lab xaylo siinik seefit ambaxele.