Yacedkel 16:35 - NABUWWA KEE MALIKWA

³⁵ «Tonna'mmay Yarusalaam kacbay, YALLI kok iyyam oobbey.

Yacedkel 16:35 ပူးပေါင်းရင်းမြစ်များ

1 Malikwa 22:19

Miikayhu qagseh iyyeemih, «Taway YALLI iyyem siinih warisu waa. Anu YALLA qaraanal isi amoytiinih korsih bagul daffeyah uble. Kay malaykoota inkih migda kee gurak kaa maraasiyot kaa abbaxih ubleh eneeh;

Yasaqya 1:10

Sodom marih bis le reedonow, YALLI siinik iyyam ankacisa! Gomorrâ-marih bis le ummattey, ni Dagelti siinik aba iyyam oobbeya!

Yasaqya 1:21

Duma Yallal teemene magaala a saaku xiiqareh xiinah caalat bahteh tan. Duma qadli le xintoh xiinak cakki-taamah taamita mari teetil yene'mmay, a saaku biileenit teetil raqte.

Yasaqya 28:14

Kulliimil qangaasalah rabah! *Yarsalaamal xiinisa maraw, tahaysa YALLIH iyyem oobbeya.

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Yacedkel 13:2

«Bani-adantow, a isi amok eyyeqqa heeh, ‹Nanu wacyi nuble› iyya maray nabuwwa akak iyyaanak intaamah, ‹YALLI siinik iyyam oobbeya› keenik inxic.

Yacedkel 16:34

Tonna-leemiik atu xiiqareh-xiina elle tani'nnal tan barra hinnito; rikeek tan xiiqareh-xiina kinnito. Koo faxxam matanaay, atu isih ken lakat tarde. Koh yeceen lakqo matanaay, atu sinaamah tecee. Rikeek tan kacba kinnito.›

Yacedkel 16:36

«YALLAY Mulki lehiyya kok iyyaamah: Sara isik kalla hayteh, isi mareytit kee woo Yalli niqba xeet kee cooxuk bicsen duyyey taqbudehiyyah isi xagar teceeh; too xeet kee cooxuk bicsen duyyeh sadgatah isi xaylo qidde.

Yacedkel 20:47

Gabbi-qaxat raqta garbok, yoo YALLAY Mulki lehiyya inxicca axcem waris. Intaamah, ‹Gira ruubam faxa. Too gira ku addal enna 'ya coox, kafin coox yakkuu, uyni coox yakku, carrisele'mmay, num tet mabargusa. Gabbi-qaxaak xabba haanam baaxo carrisak kilbat le kabu fan amaatele. Too girah huuri num macaba.

Yacedkel 34:7

«Siini bas loynittey! Yoo YALLI siinik axcem ankacisa.

Hosiqa 4:1

Israayil ummatey, YALLI siinik iyyaah sin akah sahitam oobbeya. YALLI siinik iyyaamah, «A baaxol yan mari imaan cabeh yan. Kacni keenik yeerreh yan. Yalla kinniyom yok mayaaxigan.

Qaamus 7:16

«Tonna'mmay taway kaadu YALLI iyyem koh warisu waak yoo oobbey. Atu, ‹Iscaakak rade marah isih tuble sirri mawarsinaay, Israayil ummatat takku waytaamat mayaabin› yok inte'mmay,

Naacum 3:4

Qamal akak yoome Nanawe diggalsinteh. Qax maqaanet sinam baysakaay, sicrit sinam aylahisak sugteeh; too taamat mango mara naqoosa abte.