Yacedkel 16:32 - NABUWWA KEE MALIKWA

³² Isi baqala cabba hayteh marin mara lih dalwa abta barrah caalatat gacte.

Yacedkel 16:32 ပူးပေါင်းရင်းမြစ်များ

Ermiyaas 2:25

‹Israayil ummatey, Yalla akke sinni duyye taqbudeeni'gidih ib-qassih magexina. Katla isinnik foyyah makafsina› 'yaanam siinik exce'mmay isin, ‹Aleeyyah, ahaysa manaduura. Marin mari yaqbudem naqbudem kicinnoh, akak maraqna› 'yaanam inten.

Ermiyaas 2:28

Anu siinik axceemih: Yalla akak intan duyyey isinni gabak bicisseenihiyya ankel tan? Ta duyyey yalla akak intaanahiyya mangah sin magaaloolik madagok, gadaamittaanaah caalat siinil uma waqdi, sin akah cate waytam macaay? Sin edde wadan dudda maay lon?

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Ermiyaas 3:20

Takkay immay baqalal makte barrah innah dibuk yol maadinnitoonuy, yok kalah tanim taqbudeenim bahten. Tahat yabtam yoo YALLA kinni» iyye.

Yacedkel 16:31

Giti elle aninnaanih xaqul, xeet kee cooxuk bicsen duyye elle yaqbuden arooca hayteeh; tokkel dalwa abte. Takkay immay abta dalwal, timixxige xiiqareh-xiina akah abta'nnah, lakqo elle mabennito.

Yacedkel 16:33

Duma xiiqareh-xiinah mareytit lakqo acayuk ten. Koh tu gactek isih keenih tecee. Kulli kaalibik sahda kol temeeteeh; mareytit kok takke'gidih, guqul keenih acayuk sugte.

Yacedkel 16:8

« ‹Sarra aki saaku wokkek gaca waqdi, dadalteeh baxuwwa tekkem kok uble. Qasunuk kok yan xagaral inni saroh exxa koh hayya heeh, koo kiciyyom koh warseh. Tokkel kol digibeyyoomuh qahdi koh culeeh; koo abiteeh yim tekke. Tahat yabtam yoo YALLAY Mulki lehiyya› iyye.

Yacedkel 23:37

Ama namma kacbat biili yan. Dalwa lih abeenim, xeet kee cooxuk bicsen duyyeey; qiddeenim, yoh xalen xaylo. Yoh xalen lab-xaylo xeet kee cooxuk bicsen duyyeh bagul sadgatah qiden.

Yacedkel 23:45

Cakki gital yan mari a namma barra abta dalwa kee qidiyyah keenik malkitelon. Macaay inteenik, dalwa kulli way abaanaah; sahda qabalat gaba keenik tutlukeh tan» iyye.

Hosiqa 2:2

«Yi xayloy, sin ina ahaysa yi barra hinnaay, anu tet baqala hinniyo'mmay, ama abtah tan dalwa kee caraamu maabina teetik inxicaay tet kallaca.

Hosiqa 3:1

YALLI kaadu Hosiqak iyyeemih, «Gexay woo mareyta lih dalwa abta barra fan gexay, tet kicintom teetih waris. Anu Israayil mara uxih akah kiciyyo innah, atu tet takcinem kol tan. Israayil mari yalla akke sinni gabat bicsen duyyeh sadgatah qinab-xayloy kafseeni yeceen immay, tohuh, ken kiciyyoh» kaak iyye.