Yacedkel 16:30 - NABUWWA KEE MALIKWA

³⁰ «Yoo YALLAY Mulki le kok axceemih: ‹Kaxxam walfitak, wacarriye wayta xiiqareh-xiina akah abta'nnah, wacarriyih taniimit asse.

Yacedkel 16:30 ပူးပေါင်းရင်းမြစ်များ

Yasaqya 1:3

Laahi is le mara yaaxigeeh; danoona ken yeddere mari qayso keenih elle yecee arac taaxigeh immay, Israayil maray yi mara kinnihiyya ta gide yaaxagu yeffereh. Tahat radoonu cineenih» iyye.

Yasaqya 3:9

Oson aban qadli-sinna keenit aamele. Sodom magaalah mari wacarriye'kal dambi akah abe innah, a mari kaadu wacarriye'kal dambi leemit asan. Woyyow keenit takku waytaama! Baati isinnih isinnil baahan.

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Ermiyaas 3:3

Tohuk gexxaamah dabaybah rob baaxol radu cineh. Sugum kaadu maradinnay baaxo kafteh. Caalat siinik xiiqareh-xiinah caalatih bis le'mmay tohuh edde mawacarriytan.

Ermiyaas 4:22

«YALLI iyyam aabbeh an. Iyyaamah, ‹Yi mari duquuraay; yoo mayaaxigan. Kas sinni qunxa urrih gide ikkal, tut maradan. Uma-taamah abittol ken aleltam matana'mmay meqe taamah waqdi boola lon› 'yaanam axcih aabbe.

Yacedkel 16:29

Baabelon maray badaaqat abahiyyah mareytáh sugte. Sugteh immay, too mari kaadu koo macayisinna.›

Hosiqa 9:1

Hosiqa iyyeemih, «Israayil ummatey, qiidih assan saaku diini-maleela akah abta'nnah maabinaay; kaxxam ruffa maxcina. Isinni Dageltak texxeereeniih, kaal luk sugten imaan siinik yeerreeh; qusbih orbisen daro kee caffa tittak elle meexxan aroocal, migaaqah Baqal akak intaanamay raabitteenihiyyah qibaadat gacten. Daro Baqal siinih yeceem takkalen; yoo cinten.