Yacedkel 16:27 - NABUWWA KEE MALIKWA

²⁷ «Tonna leemiik koo digaaluuy, ku baaxoy barkat lehiyya koo waysiisuh ugteh en. Koo niqba *Filistiin maray atu abtah tan umâ-yabuli xiqe waahiyyah gabal koo hee.

Yacedkel 16:27 ပူးပေါင်းရင်းမြစ်များ

2 Malikwa 24:2

Too waqdi YALLI, isi nabuwwak dumaak akah iyyeh suge innah, Baabelon kee Suuriya kee Mooyab kee Qammon qaskar Yuudâ-rasu bayissa'gidih kaat ruube.

Yasaqya 3:1

YALLAY Dagelta kinnih Nabaamak Nabahiyya, Yarusalaam kee Yuudâ-rasuk ummatta kibaal elle luk sugte mara kee duyye beele. Lee-kee-qaysoh edde sugeenim keenik beele.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 9:12

Suuriyah mari ayrô-mawqa le kabuk gaccaay *Filistiinih yooboke mari ayrô-culma le kabuk gacca 'yeh Israayil yanxuqoonuh af fakka teetit heen. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 9:17

Tonna leemiik Yalli furraynak num keenik asillimi mahannaay, ken qayxiixa kee gubuunuk numuh maxuwaawinna. Macaay inteenik, oson inkih Yalla maloonuuy, uma marah yaniiniih; oson edde yabba 'yaanam inkih umaane. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 34:21

Tonnah kaadu Yuudak malikih yan Xidkiya kee kay gubal tan doolat abbobti, kaa niqba maray kaa qidam faxahiyyah gabal heeyyo. Baabelon malikih qaskaray awayih ibak qeebi keenik yeyseedem ceelahiyyah gabal ken heeyyo.

Yacedkel 14:9

«Nabuwwak tiyak teeni aylahitta 'yeh, akke waytaamat yaabe kaa tekkek, kaa aylahissem yoo kinnim ixiga. Tonnah yan nabi Israayil ummatih addak ayyaaqeyyo.

Yacedkel 16:37

Tonna-leemiik duma mareytiitih kok suge marak niqibtom kee kicintom inkih, bahha heeh foocal kok xayyoyseyyo. Too mari maraasiyya koo heele. Too waqdi oson koo elle yablen ikkel, qasunuk koo cabeyyo.

Yacedkel 16:47

Atu kaadu ken raat katatteeh; oson abak sugen uma taamat asse. Atu uma taama qimbissem qusba saaku'mmay, keeniy dumaak abak sugehiyyak lafissa hayte.

Yacedkel 16:57

Abte umaane kok qaddowtaamak dumal, keenil asaaluk sugte. A saaku atu kaadu miduh elle yasuulen sahdaytó tekke. Edom kee Filistiin mari elle yasuulem koo. Ku deraafil yan mari koo bursuta.

Yacedkel 23:22

«Away Oholibay, yoo YALLAY Mulki lehiyya kok axceemih, atu woo koo kicinuk yen marih kacanuk cayteh tani'mmay, anu ku naqboytit ken abeyyooh; marot koo heelon.

Yacedkel 23:25

Anu koo inqibeemih sabbatah, oson koo yinqibeenih faxem kok abitoonay axceyyo. San kee aytiita kok argiqelon. Seefit koo qidelon. Say-xaylo kee lab-xaylo kok seewah beeloonuuh, kok raqtem girat carriselon.

Xafanya 3:19

Xukko siinit abe mara, edde digaala uddur xayih; maxeeriiy, ahaysa xayih. Kos iyya maray boola le edde wadu waa uddur xayih; maxeeriiy, ahaysa xayih. Fixixiseh suge mara le baaxo fanah gacseyyo. Sinam keenit abta qaybik, nagay ken saytunuseyyooh kaxxa mara ken abeyyo. Qaybi yibbixe baaxooxal, migaq akak yaabben maray faylisaana ken abeyyo. Tohum edde abu waa wakti, maxeeriiy, ahaysa xayih.