Yacedkel 16:26 - NABUWWA KEE MALIKWA

²⁶ Woo dalweenitih yan Masri maray cuggaaneh kok yanihiyya lih dalwa abak sugte. Dalwa abak akah sugtem, anu anqibe'gidi.

Yacedkel 16:26 ပူးပေါင်းရင်းမြစ်များ

1 Malikwa 12:28

Toh cisaabisak suggu 'yeh sinaamal fayu essereeh; sarrak dahabak namma daheltih ceelo bicse. Tohuk lakal isi marak iyyeemih, «Akkeek, Yarusalaam magaala fan gexxaanam xexxaarah duuduntam hinnak, ahaysa Masrik sin yeyyeeqe sin Dagelti ah kaana; akkel yaniih, wokke akah taqabtaanam manton» keenik iyye.

Yasaqya 30:21

Edde gexxan gitak guri kabul afkune kee, migdi kabul afkune takken waqdi, kay xongolo aabbettoonuuh, «Giti ah kaak; akkek gacay gexa» 'yaanam axcih aabbetton.

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Yacedkel 23:3

Too namma maqanxá qunxuk ten saaku Masril sugeeniih; too Masriy elle sugeenihiyyal, angu keenik soocaarak, bikiri qunxih keenik kalla heenih, sarrak xiiqareh xiina yekkeenih sugen.

Yacedkel 23:8

Baxuwwah ten saaku labha angu teetik xagam-xagak xiiqareh xiinah tet dalwisak yenen. Masriy bikiri teetik elle kaleenihiyyal abak sugga 'te dalwa cabtu cinteeh, beyak raqte.

Yacedkel 8:10

Adda culeh wagte waqdi, gidaarak bagul Israayil mari yaqbude duyyeh tasaawiriiy, caraamak tan alluwwa kee, kalah kaadu, garbah baaxok bagul gexxa alluwwah tasaawir uble.

Yacedkel 8:14

Toh inxicca 'yeh, YALLIH Qibaadah Qarik kilbat le kabut raqta culma fanah yoo bee. Tokkel Tammud akak iyyaanamay yallah loonuhiyyah weeqa agabu uble.

Yacedkel 8:17

Too waqdi Yalli yok iyyeemih, «Bani-adantow, tamah table koo hinna! Yuudâ-mari tama'kkel abah yan umam-yabuli tableh tanik, ah celtam kinnii? Kulli waqdi qamalliinok aade waanaah; anu anqibinnaanim abaanam celtam kinnii? A diini-maleela gacak gactam elle aban inna maay tablee?

Yoosuwa 24:14

Yoosuwa qagseh keenik iyyemii, «Hay, taway, YALLAK meysitaay imaan kaal hayya haay, isinni afqadook kay qibaadat gaca. Sin kaxxa abbobti Furaat weeqaytuk woo qaxa kee Masril, Yallih aftok aqbuduk sugte duyyeeya maqbudinay, wonnah baaxot qida. Dibuk YALLA uqbuda.