Yacedkel 16:25 - NABUWWA KEE MALIKWA

²⁵ luk sugteh tan qaxa nadaasat isik bayisse. Amaatinnaan num lih dalwitak, qaxa isik bayisseh.

Yacedkel 16:25 ပူးပေါင်းရင်းမြစ်များ

Yasaqya 23:17

Woo malcina-tabanih sanatak lakal, YALLI Suur-magaalah-mari abak yen tellemmo abitay ken axcele. Addunyâ-bagul tan doolatwah isi nabsi kirah aceele.

Yasaqya 3:9

Oson aban qadli-sinna keenit aamele. Sodom magaalah mari wacarriye'kal dambi akah abe innah, a mari kaadu wacarriye'kal dambi leemit asan. Woyyow keenit takku waytaama! Baati isinnih isinnil baahan.

Ermiyaas 11:15

YALLI kaadu iyyemii, «Yi maray anu kicinuk sugehiyya umam abam ableh anik, hay sugay, yi Qibaadah-Qarih adda culaanamih ruksat keenih teceem iyyaay? Nadri yoh culaanaah, sadgat yoh abaanamah, keenil obtu wayta bala isinnik cate loonum maay yakkalen? Tah ken ruffa haytam tekkek, abbaasitoonay.

Ermiyaas 3:2

Qaleelah amo wagga haytan waqdi ta qaleelah amok isin xiiqareh-xiinah innah uma-taama elle abe waytan arac maay yan? Mayan. Qarabtoyti bacarih tan baaxol duyye bukkusa'gidih, safarat yan marih mamaata elle assexeeruk suga innal, isin kaadu dalwah abittoh assexeeruk sugtan. Uma-taamat baaxo nadaasa abten.

Ermiyaas 3:20

Takkay immay baqalal makte barrah innah dibuk yol maadinnitoonuy, yok kalah tanim taqbudeenim bahten. Tahat yabtam yoo YALLA kinni» iyye.

Ermiyaas 6:15

A umam-yabuliy edde yaniinihiyyak xagar keenik dagoh gide kinni way mawacarriya. Wacarriy kinnim mayaaxigan. Tonna leemik oson kaadu gersi marak kaxxih bayelon. Ahak wadir keenit abu waa digaalah finqitelon. Tahat yabtam yoo YALLA» 'yaanam yok iyye.

Yacedkel 16:15

«Takkay immay a litoh tan qaxa kee migaq-gexxo isik ubulla hayte waqdi, kol amaatinnaan numih mareyta takkem bahte.

Yacedkel 16:31

Giti elle aninnaanih xaqul, xeet kee cooxuk bicsen duyye elle yaqbuden arooca hayteeh; tokkel dalwa abte. Takkay immay abta dalwal, timixxige xiiqareh-xiina akah abta'nnah, lakqo elle mabennito.

Yacedkel 23:32

YALLAY Mulki lehiyya iyyeemih, «Ku maqanxa akak tooqobe kobbaayak aaqubetto. Too kobbaaya, nabna kee adda le kobbaayay kibuk tanih tani; tonna-leemiik ummat kaxxa anqas kee digirih koo haysitele.

Naacum 3:4

Qamal akak yoome Nanawe diggalsinteh. Qax maqaanet sinam baysakaay, sicrit sinam aylahisak sugteeh; too taamat mango mara naqoosa abte.