Yacedkel 16:21 - NABUWWA KEE MALIKWA

²¹ yi xaylo beyya hayteh, xeet kee cooxuk bicsen duyyey taqbudeenihiyyah sadgatah tusguude.

Yacedkel 16:21 ပူးပေါင်းရင်းမြစ်များ

2 Malikwa 17:17

Too duyyey yaqbudeenihiyyah isinni xaylok labim kee sayim girat sadgatah qidaanam baahen. Kalluwalle kee ramli qida maral fayu esseren. YALLIH garil dambik loowintaamat aseeniih, YALLAT naqabu ugsen.

2 Malikwa 21:6

Girat isi baxa sadgatah qide. Ramli-qidiyya kee sicri taamah haysiteeh; ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

2 Malikwa 23:10

Hinnom deqsitta goloh addal, yalla axcuk yaqbuden duyyeh qibaadah heen aracay Toofet deqsita foyya keenik abe. Toh keenik akah abem, too aracal duma Molok deqsitaamih sadgatah isinni xaylo girat qidak sugen. Toh elle abe waana'gidih, too arac foyya keenik abe.

2 Aydaad 28:3

Hinnom deqsitta golol gabat bicsen duyyeh qaydarus qeerisak suge. Kaadu girat isi xaylo sadgatah qide. Woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih tan qaadah gabbaaqiyyak ten.

Ermiyaas 19:5

Baqal akak iyyaanamay taqbudeenihiyyah isinni lab-xaylo sadgatah elle qiddan arooca bicissen. Too aroocak bagul isinni xaylo sadgata axcuk nuwwih girat carrissan. Annah taniimit asettoonum way makkalinniyooy, way kaadu aba siinik excem hinna. Inkinnah afak edde yaabem hinna.

Yacedkel 20:26

Isinni xaylok naharsi-xaylo, umâ-yabulih xeet kee cooxuk bicsen duyyeh qibaadah arac sadgatah baahah ken abalih, yanoonay ken axcuk suge. Toh keenik akah abak sugem, abeenimik xagar keenik wacarriya'gidiiy ken Dagelta dibuk yoo kinnim yaaxigeeni'gidi.