Yacedkel 16:16 - NABUWWA KEE MALIKWA

¹⁶ Isi sartanak tu takkem beyya hayteh, isi aroocay qibaada elle abtahiyyat bilqah hayte. Tokkel xiiqareh-xiinah innah, kulli num lih dalwa abte. Tannah tanim takkem faxxiimak mananna.

Yacedkel 16:16 ပူးပေါင်းရင်းမြစ်များ

2 Malikwa 23:7

YALLIH Qibaadah-Qaril heen aroocay xiiqareh-xiinak-lab-mari elle sugehiyya wokkek kaleh. Agbi, Aseera akak iyyan say-yallah-qibaadah seeka edde gacta kameswa elle bicisak yenem, tokkek teneeh; too arac tokkek kaleh.

2 Aydaad 28:24

Acad kaadu YALLIH Qibaadah-Qaril sugte duyye wokkek beeh, rike-rikeh kureeh, Qibaadâ-Qarih afoofi alfe. Yarusalaam magaalah gitittek xaqul sadgat elle aban arooca xise.

Yasaqya 57:7

Sadgat abtaana'gidiiy dalwa elle abtaana'gidih, kaxxa qaleela tawqen.

Ermiyaas 2:10

Ayrô-culmal yan Kobros deqsita rasu fan gexay; ayrô-mawqal tan Keedar deqsitta baaxo fan gexa. Wokkel yan mari abam abletton. Too mari isin abteenih taniinim abeh masuga.

Yacedkel 16:15

«Takkay immay a litoh tan qaxa kee migaq-gexxo isik ubulla hayte waqdi, kol amaatinnaan numih mareyta takkem bahte.

Yacedkel 16:17

Anu koh ecee lakqo kee dahab beyya hayteeh, lab-numih-ceeloy yaqbudeenihiyya akak bicsissa hayteeh woo ceeloh mareyta tekke.

Yacedkel 23:1

YALLIH qangara yol obteeh; yok iyyeemih:

Yacedkel 7:20

Duma yan saaku dahab kee lakqo kee luuluk mangom luk sugeenimih sabbatah, tohul kaxxam kaxxiinitak yeneeni'mmay, maca akak abeenih? Sarra woo duyyek yalla axcuk yaqbuden duyye bicsen; ableh-umam akak aben. Tohuk gexxaamah anu too duyye caraamu keenil abeyyo» 'yaanam iyye.

Hosiqa 2:10

Tet mareytiitik garil qasunuk tet cabeyyo'mmay, yi gabak num tet macata.

Hosiqa 2:8

«Maaqooy qinabak bicsen kamri kee caxâ xaylok bicsen *zeyti teetih teceem yook tene'mmay woh yoh maaxaginna. Baqal axcuk yaqbuden duyyeh qibaadah hayte lakqo kee dahab teetih teceem yook tene'mmay; toh yoh maaxaginna.