Yacedkel 16:15 - NABUWWA KEE MALIKWA

¹⁵ «Takkay immay a litoh tan qaxa kee migaq-gexxo isik ubulla hayte waqdi, kol amaatinnaan numih mareyta takkem bahte.

Yacedkel 16:15 ပူးပေါင်းရင်းမြစ်များ

1 Malikwa 11:5

Qastarot deqsittaamay Saydâ mari say yalla axcuk Yallih aftok yaqbudehiyya ken lih yuqbude. Tohuk kalah kaadu, Qammon mari yallah luk yen Milkom deqsittaamay umam yabulih tanihiyya ken lih aqbuduk yen.

1 Malikwa 12:28

Toh cisaabisak suggu 'yeh sinaamal fayu essereeh; sarrak dahabak namma daheltih ceelo bicse. Tohuk lakal isi marak iyyeemih, «Akkeek, Yarusalaam magaala fan gexxaanam xexxaarah duuduntam hinnak, ahaysa Masrik sin yeyyeeqe sin Dagelti ah kaana; akkel yaniih, wokke akah taqabtaanam manton» keenik iyye.

2 Malikwa 17:7

Toh akah tekkem, Israayil-mari YALLAY ken dooreh Masri malikik ken cateeh Masril edde sugen caalatak ken yeyyeeqehiyyal dambi lem baaheenimih sabbata. YALLA cabba heenih xeet kee coox yuqbuden.

2 Malikwa 21:3

Kay abba Ciskiyyaahu bayseh suge aroocay diini-maleela qibaadah luk sugtehiyya wadir nammeyhaak xise. Baqal elle yaqbudeeni'gidih, sadgat elle aban arooca bicse. Kaak dumal Israayil-malikih yen Acab akah abe innah, migaaqah Aseera deqsittaamay yaqbudeenihiyyah astah heenih sugen gurmudda soolise. Manasse cutuuka kaadu edde aqbuduk yen.

Yasaqya 1:21

Duma Yallal teemene magaala a saaku xiiqareh xiinah caalat bahteh tan. Duma qadli le xintoh xiinak cakki-taamah taamita mari teetil yene'mmay, a saaku biileenit teetil raqte.

Yasaqya 48:1

YALLI iyyemii: «Yaqkuubuk radeeh Israayil deqsita marak Yuudah yooboke maraw, ankacisay yoo oobbeya. YALLIH migaaqal xiibittaanaah, ‹Israayil doore Dagelta yaqbude mara kinnino› intan. Takkay immay toh afak intaana'kkal baguuk intaanam hinna. Yaaminen mara hinniton.

Yasaqya 57:8

Yalla axcuk taqbuden duyyeh asta, qarik albaabih-bagu kee albaabih garil haytan. Yoo maaqilteenih. Sahdâ foocal, lakqo akah taceen agabu luk, qarkaytô-bagul xintan. Bica ken luk haysitteenih, ken gaba wagittan. Too qarkaytoh bagul dalwah abittok cayya intan.

Ermiyaas 2:20

«Israayil ummatey, yi yab dumaak cinten. Yi amri cinteeniih, ‹Koo manaqbuda› inten. Too waqdi qaleelah amo kee kaxxa cooxih gubal, niqmat neh baahele akak intan duyye qibaadat gacak, dalwa abten.

Ermiyaas 3:1

YALLI siinik iyyamaa, «Num gennaaqoytay cabehiyyay marin mari elle digibehiyyal wadir elle digbam maay duuda? Toh bictam hinnaay, elle tekke baaxo kinni way nadaasa takke. Isin tonnah kaadu mango kacnoytit haysitteenik sarra, away yol taduureenim faxxan!

Ermiyaas 7:4

Makot sin beya marih yaabal maaminina. «Nanu dumaak waddiime mara kinninooh; YALLIH Qibaadah-Qari ah kaana; xaqul lino» 'yaanam kulli way maxcinaay; a qari sin wadelem makkalina› keenik inxic» yok iyye.

Yacedkel 16:16

Isi sartanak tu takkem beyya hayteh, isi aroocay qibaada elle abtahiyyat bilqah hayte. Tokkel xiiqareh-xiinah innah, kulli num lih dalwa abte. Tannah tanim takkem faxxiimak mananna.

Yacedkel 16:25

luk sugteh tan qaxa nadaasat isik bayisse. Amaatinnaan num lih dalwitak, qaxa isik bayisseh.

Yacedkel 20:8

Takkay immay yi yaabat carra mahannoonuuy; anu excem mankacisinnon. Qiday caba keenik exce gabat bicsen duyyey yaqbudeenihiyya macabinnon. Woo Masri marak kaxxih gabat bicsen duyye aqbuduk raaqeeniih, caba keenik exceemih macabinnon. Tonna-leemiik Masri elle yanin saakuuk yi naqbi le'nna ken aybulleem faxxa hee.

Yacedkel 23:3

Too namma maqanxá qunxuk ten saaku Masril sugeeniih; too Masriy elle sugeenihiyyal, angu keenik soocaarak, bikiri qunxih keenik kalla heenih, sarrak xiiqareh xiina yekkeenih sugen.

Yacedkel 23:8

Baxuwwah ten saaku labha angu teetik xagam-xagak xiiqareh xiinah tet dalwisak yenen. Masriy bikiri teetik elle kaleenihiyyal abak sugga 'te dalwa cabtu cinteeh, beyak raqte.

Yacedkel 27:3

Bad akak culan culmal tan Suur magaalay baddi afal enna 'ya mara lih badaaqat abtahiyyak, yoo YALLAY Mulki lehiyya axcem liyok, waris. Teetik intaamah: Suur magaalay, hidah qax-meqiyo 'yaanam intaah, kaxxam isit takkale.

Yacedkel 33:13

Meqe num waareleemih qahdi kaah culek lakal, usuk isih ‹Duma abe maqaane yoo xiqtah› 'yaanam niyat hayya heeh, uma-taama qimbise kaa tekkek, duma abba hee maqaanek tut baaqid kaak maha. Takkay immay isih abe uma-taamah isih rabele.

Hosiqa 1:2

YALLI naharak Hosiqal ruubem, Israayil marih giddinaamak ruube farmok ten. Iyyeemih, «Hosiqaw, gexay digib. Digibih abittu wayta barra, xiiqareh-xiinayto. Is xaltu wayta xaylo kaadu teetik kaxxih imaan maleela akkelon. Macaay intek, yi mari yot darre cabeeh, xeet kee cooxuk bicsen duyye yaqbuden» kaak iyye.

Hosiqa 4:10

Maaqo geettoonu'mmay, qulul sin macaba. Xalay fayxih, gabak bicsen duyyey yallah litoonuhiyyah qibaadah aracal dalwa abak sugteeni'mmay, xalay mageytan. Macaay inteenik, yoo cabba hayteenih yalla axcuk duyyeeya tuqbuden» iyye.

Hosiqa 4:18

Qinabak bicsen kamrik cayya iyyan waqdi, dalwa abaanaah farcaan yakken. Meqe migaaqay luk sugeenik qaybik radaanam dooriten immay, kaxxa caacayih gadda akkeloonuuh, xeet kee cooxuy yalla 'yeenih yaqbudeenihiyyah aban sadgatat wacarriyelon» iyye.

Hosiqa 9:1

Hosiqa iyyeemih, «Israayil ummatey, qiidih assan saaku diini-maleela akah abta'nnah maabinaay; kaxxam ruffa maxcina. Isinni Dageltak texxeereeniih, kaal luk sugten imaan siinik yeerreeh; qusbih orbisen daro kee caffa tittak elle meexxan aroocal, migaaqah Baqal akak intaanamay raabitteenihiyyah qibaadat gacten. Daro Baqal siinih yeceem takkalen; yoo cinten.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Xafanya 3:11

«Too saaku, yi maraw, duma yol bahten yabti-cinak gexxaamah mawacarriytan. Macaay inteenik, kaxxiina kee anaani le mara bayseyyo. Tohuk wadir isin yi qaley taahirik tanihiyyal kaxxiinah qubbuy m'intan.

Makaabon 10:6

Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih.

Makaabon 2:12

YALLAY ken kaxxa abbobti dooreh Masrik ken eyyeqqa heehiyya yaqbudeenim cabeenih, ken dariifal yan mari Yalla akak iyyaamay yaqbudehiyyah qibaadat ken lih gacen. Too duyyeh qibaadah gommoh radaanam baaheeniih, YALLIH naqabu isinnil oobisen.

Makaabon 3:6

Say xaylo rihimih keenik abiteeniih, isinni xaylo kaadu rihimih keenih yeceen. Tohuk kalah, oson aqbuduk sugen duyyeeya ken lih yuqbuden.