Yacedkel 16:13 - NABUWWA KEE MALIKWA

¹³ Mango bilay dahab kee lakqok bicseenihiyya luk ten. Talbi-qaala kee cariirik bicsen sartanay mango dilwa lehiyya luk ten. Adda meqe darok aben gaqambooy, malab kee caxâ xaylok bicsen *zeyti ku maaqoh sugte. Qaxah wir axcuk teneeh; tohih sabbatah malikáh innah gacte.

Yacedkel 16:13 ပူးပေါင်းရင်းမြစ်များ

2 Samuwel 8:15

Tonnal Dawud inkih yan Israayil rasuk amoyta yekkeeh, abbah akak yan mara inkih cakki kee qadaalatat xiinisak suge.

1 Malikwa 4:21

Suleeman reedah amol akak yenem, Furaat weeqaytuk xabba haanamaay Filistiin kee Masri cuduuduh amma 'yaanam tan baaxok ten. Too mari gabbara kaah acayuk, usuk addunyal suggu 'yem fanah kay gubat sugen.

Qedra 4:20

Cayla leelah tan malikwa Yarusalaam kee inkih yan Furaat Weeqaytuk Ayrô-culma le kabut Raaqa Rakaakay reedisak yenen. Too rasih marak gabbara kee mango lakqo beyak sugen.

Qedra 5:11

«Too waqdi nek iyyeenimih, ‹Nanu qaran kee baaxoh abbah yan Dageltih naqoosa kinninooh, away xisnam dumaak xissiimeh suge Yallih Qibaadah-Qariiy; a duyye addal akak hayteeh kaa xissem, duma suge Israayil malikiy kaxxa massakaxxa luk sugehiyya.

Yasaqya 64:11

Ni Qibaadah-Qariy taahirik yeneeh qax-muquk yeney ni kaxxa abbobti koo elle aqbuduk tenehiyyat gira ruuben. Kicinuk sugga inne arooca inkih abuuruh raqte.

Ermiyaas 13:20

YALLI iyyemii, «Yarusalaam maraw, wagitay! Naqboytit kilbat le kabuk siinit tamaate. Amo elle muquk sugten mari, a saaku maca abe? Sin maray kaxxam edde akkaluk sugteenihiyya anke gexe?

Yacedkel 16:10

Dilwa le kamesiy qax-meqe kot heeh; xagar meqe addaytih kabel kot hee. Qax-meqe musaan amol haysitta'gidih, koh ecee. Cariirik bicsen sartanat koo hee.

Yacedkel 16:17

Anu koh ecee lakqo kee dahab beyya hayteeh, lab-numih-ceeloy yaqbudeenihiyya akak bicsissa hayteeh woo ceeloh mareyta tekke.

Yacedkel 16:19

Adda meqe darooy zeyti kee malabay anu koh eceehiyya xeet kee cooxuk bicsen duyyeh sadgata axcuk tecee. Tah intam YALLAY Mulki lehiyya.

Yacedkel 23:40

«Allî-baaxok labha keenih baahaana'gidih, farmoh sinam ruuben. Woo maray farmo akah ruubeenihiyya keenih yemeeteh; too waqdi taaxige namma maqanxá kaqallaay intil kucul hayyaay qax-meqe bilat gacca 'te.

Yacedkel 27:16

Suuriyah mari kaadu tellemmo ko'lih abak sugeeh; atu lito mango tellemmô-duyye kok xaamak sugen. Too duyyet milaaguh (libaakih), anxaxin unxux kee diimin saraay, dilwa le sara kee *baftak bicsen xagar meqe sarooy, baddi arul geytima uwway gacro deqsitahiyya kee, qasa unxux koh edde milaagak sugen.

1 Samuwel 10:1

Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,

1 Samuwel 12:12

Takkay immay Qammon rasul malikih yen numuy migaaqah Nacas deqsitahiyya sin yabbixu waam tublen waqdi, YALLIH malikannu cinteenih, ‹Nee xiinisa malik neh reedis› yok inten.