Yacedkel 14:22 - NABUWWA KEE MALIKWA

²² Too marak dago agabu kee labhay too digaalak raqqa 'tehiyya, sin fan amaateloonuh; nagay ken cubbussan waqdi, uma mara kinnoonum keenik abletton. Too waqdi Yarusalaam marat abe digaala celta digaala kinnim elle aaxigetton.

Yacedkel 14:22 ပူးပေါင်းရင်းမြစ်များ

2 Aydaad 36:20

Rabak raaqe mara Baabelon rasu fan seewah orbiseeh; tokkel Fursi-malik reedda 'yam fanah, Baabelon malik kee kay marih gubal ken akdamuk sugen.

Yasaqya 24:13

Addunya kee addunyal enna 'ta ummatat, tamah takku waytaama. Caxâ-miru akak yifiilen caxah amot, akak aylahiten caxâ-miri tiya-tiyah akah raqta innah, addunyay baatehiyyah bagul num-num saaboh raaqele.

Yasaqya 6:13

Baaxô-bagul bool yakke marak tabna num raqtaamah, naqboytit qagitak baaxo warareleeh, baaxot gira ruubelon. Takkay immay yirgiqen caxak buxux elle raaqe'nnal, taahirik yan dariyyuy sarra yaabuku waa raaqele» yok iyye.

Ermiyaas 30:11

Anu sin lih aniih, siinit takkeemik sin wadeyyo. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 4:27

Macaay inteenik, YALLI, ‹Inkih tan baaxo abuuruh raaqele iyyeh immay, inkitanuuk tet bayseyyo 'yaanam maxacco.

Ermiyaas 5:19

‹A axxul le umaane nel akah baaham faxam macaay?› kok iyyoonu waan waqdi, Ermiyaasow, atu keenik intu waytaamah, ‹YALLI, isin yoo cinna hayteenih mari aqbuduk suge duyye isinni baaxoh addal taqbudeeniih, tonna'mmay isin kaadu sin baaxo akke sinni marin baaxol marin naqoosa akketton, yok iyye› keenik axcetto» iyyah yan.

Yacedkel 12:16

Ken yabbixu waa qeebi kee qulul kee dalkak dago mara keenik cateyyo. Toh akah abu waam, rabak raqte saabo duma abak sugeenim uma taama kinnim, fanat ken akah fixiixise marah warsaana'gidi. YALLA kinniyom too waqdi yok aaxigelon» yok iyye.

Yacedkel 16:54

Abteemit wacarriyetto; Sodom kee Samaariya maray ku innah dambih ane waak sugehiyyal rooci aduurele.

Yacedkel 20:43

Abba hayten umâ-yabuli, too saaku siinih ambulleele. Isinni nadaasa elle abten inni, too saaku siinih ambulleele. Abba hayten uma taama kassittoonu waytan waqdi, isinni nabsi inqibba heetton.

Yacedkel 31:16

Too caxa dite le kabri oobe marat tengele saaku, is radde waqdi abteh ten xongoloh mango baaxoh mari gilite. Inkih tan Qadanal suge coox kee, leek meqe innah allaggoowak suge Lubnaan cooxuy woo boodo fanah oobehiyya, a caxah raddem yublen waqdi ruffu iyyen.

Yacedkel 32:31

Masri malik kee kay qaskar carbit rabele'mmay, usuk akeeral carbit rabe mara yabalu waa waqdi, a marat kaadu aham tekkem kaat amqele. Ahat yabtam yoo YALLAY Mulki lehiyya» iyye.

Yacedkel 36:20

Elle gexinnaan baaxol yi migaaqay taahirik yanihiyya baysen. Toh mannalaay intek, ‹Ama mari YALLIH marak tene'mmay, a saaku kay baaxo cabeenih gexaanah yanin› 'yaanam iyyaanaah; yi migaq keenil xagan.

Yacedkel 36:31

Isinni uma-qamal kee qellatay edde asak sugteenihiyya siinih ambulleele. Too waqdi abak sugten dambi kee ceele-waytoy edde sugteenihiyyak gexxaamah, isinni nabsi inqibba heetton.

Yacedkel 7:16

Marak garab goloh addal suge kimbiiriy qale fan gilitahiyyah innah, qale fan kudele. Kulli num isih abe dambih nadaamitele.

Miika 5:7

Marin baaxooxal, mango marih addat yan Israayil maray saaboh raaqehiyya, YALLI ruuba naafi qayso akah doogisa innah, too marah tonnah doogiselon. Yalli ruuba rob coox akah doogisa innah doogiselon. Keenik dariifal yan mari barkat keenik geele. YALLA akke waytek sahdal kibaal mahannon.