Yacedkel 14:15 - NABUWWA KEE MALIKWA

¹⁵ «Hinnay kaadu, baaxoy alluwwah giddinaamak foyyah raqtahiyya gital num akah angayye waa'nnah, alluwway sinam qiddahiyya ruube yoo tekkek,

Yacedkel 14:15 ပူးပေါင်းရင်းမြစ်များ

1 Malikwa 20:36

Too waqdi yab akak cinen nabi, «YALLIH yab cinteemih sabbatah, yok gexxu wayta waqdi, lubak koo qidele» kaak iyye. Sarrak gexe waqdi, usuk akah iyye innah, lubak yemeeteeh kaa qideh.

2 Malikwa 17:25

Wokke naharak gufen waqdi, YALLIH qibaada abak masuginnon. YALLI toh yuble waqdi, ken takamu wayta lubooka keenit ruube. Too lubooka tu keenik qiddeh.

Yasaqya 51:19

Kaxxa bala siinil obte. Baaxo siinik carbit baate; ummatta siinik qulul kee carbit tembexe. Takkay immay siinil yamaateeh taqdiyya siinih gacsa mari mayan.

Ermiyaas 15:3

Yoo YALLI ta affaraamay ken bayissu waytahiyya keenil ruubu waamal gaba kaleh an. Carbit rabeloonuuh, ginaada keenik kuuta hirriigiseleeh, qambil gadda akkele. Wohuk raqtem garboh alluwwa akmele.

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.

Yacedkel 14:21

YALLAY Mulki lehiyya iyyaamah, «Yarusalaam mara kee ken midir edde baysa'gidih, inni kaxxa digaala keenil ruubeyyo. Carbiiy qululuuy alluwwa kee dalka keenit ruubeyyo.

Yacedkel 5:17

Xaylo siinik qidda'gidih, qulul kee alluwwa siinit ruubeyyo. Sin edde qiduh biyak siinit ruubeyyooh; sahda siinik titta qideleeh; carbi addal siinik akkele. Tahamat yabtam yoo YALLA» yok iyye.