Yacedkel 14:13 - NABUWWA KEE MALIKWA

¹³ «Bani-adantow, ayyuntak teeni yol yaaminem cabba heeh dambi le taamat ase kaa tekkek, tonnal gaba keenil heeyyooh, maaqo akak geyak sugen arooca keenik bayseyyo. Qulul ruubeyyooh; saq kee ummat akah tambaxe'nnah abeyyo.

Yacedkel 14:13 ပူးပေါင်းရင်းမြစ်များ

Qedra 9:6

Too waqdi dooqah exceemih, «Yi Dageltaw, wacarriye waytam yoo ikkal, ni dambi mangah caddo cabeeh xexxaarah qaran eleele. Tonna kinnuk, yi Dageltaw, koo kallacam wacarriy yol tekke.

Yasaqya 24:20

Baaxo yiskire numih innah kabuk kabul lagaq axcele. Digga sinni siraqih innah angayyele. Abte Yallih-cinak gexxaamah annikisseleeh, abte niksok sarra muugutta.

Yasaqya 3:1

YALLAY Dagelta kinnih Nabaamak Nabahiyya, Yarusalaam kee Yuudâ-rasuk ummatta kibaal elle luk sugte mara kee duyye beele. Lee-kee-qaysoh edde sugeenim keenik beele.

Ermiyaas 32:43

Isin inkih, ‹A baaxo gaba kalteeh; Baabelon-malikih gabat raddek wadir, num sinniih lac sinni abur akkele› 'yaanam intaana'mmay, ahak sarra sinam baqurê-baaxo teetil xaamele.

Ermiyaas 36:29

Malik Yahoyaakimik intamaa, ‹YALLI kok iyyaamah, Warkat cararisseeh; Ermiyaas a yab akah baaheeh, Baabelon malik a baaxo bayseleeh, a baaxol taniimik lac macabaay num macabay selele 'yaanam akah iyyem macaay inte'mmay,

Ermiyaas 52:6

Tohih sabbatah magaalal kaxxa qulul radeeh; ellecabol too sanatak fereyhaytoh alsak sagalhaytoh ayro ummatak maaqo tembexeeh, magaalal xagaanam waytinteh.

Ermiyaas 7:20

Tonna leemiik YALLAY Mulki lehiyya iyyaamah, «Ta Qibaadah Qariy oson kaxxam edde yakkaleenihiyyal inni naqabu oobiseyyo. Yi naqbi tohut mayaadiyay, ummatta kee alak-alaakulleytal kaadu oobele. Coox kee tooboke daroh agantah elle oobele. Yi naqbi giray sahdayti barguse waahiyya kinni» iyyah yan.

Yacedkel 14:12

YALLIH qangara yol obteeh; yok iyyeemih:

Yacedkel 14:17

«Hinnay kaadu, too baaxol carbi ruubeh, saq kee ummat akah tambaxe innah, kullim duufut beya silac ruube yoo tekkek, too saaku

Yacedkel 14:19

«Hinnay kaadu, abeh an bagcarrah sahdat tabta dalka woo baaxol ruube yoo tekkeeh, too dalka ummat kee saq selte kaa tekkek,

Yacedkel 14:21

YALLAY Mulki lehiyya iyyaamah, «Yarusalaam mara kee ken midir edde baysa'gidih, inni kaxxa digaala keenil ruubeyyo. Carbiiy qululuuy alluwwa kee dalka keenit ruubeyyo.

Yacedkel 15:8

Yol luk sugen imaan cabeeniih; tonna-leemiik baaxo keenik abur abeyyo. Tahat yabtam yoo YALLAY Mulki lehiyya» iyye.

Yacedkel 20:27

«Hay, bani-adantow, yoo YALLAY Mulki lehiyya kok axcem keenih waris. Ken kaxxa abbobti tohuk kalah imaan sinnat yoo elle xaafen tiya tan.

Yacedkel 25:13

Tonna-leemiik ahaysa Edom mara digaalu waah, too rasul enna 'ya mara kee saq inkih bayisu waam aysixxigeh an. Teman deqsitta magaalak xabba haanamaay Dadan deqsitta magaalah amma 'yaanam yan rasu sahda elle deedalta abur abeyyo. Tohiital yan mari inkih carbit ambaxele.

Yacedkel 4:16

Sarrak yok iyyeemih, «Bani-adantow, Yarusalaam mari geyak suge maaqo akah gee waan innah abeyyo. Wokkel yan mari meysi luk yakme maaqo miizaanal keexak akmeleeh; yaaquben lee keexol keenih aceeyyoh, axaxitak aaqubelon.

Yacedkel 5:16

Maaqoy geyak sugteeni sin waysiseyyooh; qulultoonay sin axceyyo. Qululuh abtaanah tanin biyak, af-le-gaysê-baxay sin edde baysoonuh qideenihiyya biyaakah le inna siinil aallele.

Yacedkel 6:14

Gaba keenil qideyyooh baaxo keenik bayseyyo. Gabbi-qaxat raqta bacarih tan baaxok xabba haanamaay Ribla deqsita aracay kilbat le kabut raaqahiyyah amma 'yaanam, abuuruh tan baaxoy num sinniih lac sinni abeyyo. Israayil mari elle yan baaxok tu macabay inkih bayseyyo. Ummat too waqdi anu YALLA kinniyom yoh aaxigelon» yok iyye.

Yacedkel 9:9

YALLI too waqdi yok iyyeemih, «Israayil kee Yuudâ-mari kaxxam gibdi dambi baaheeh; rasul ummat annaak qidaanam baaheeh; Yarusalaam baatilik dabaq aben. Yi giddinaamak, ‹YALLI ahaysa ni baaxo cabeh ikkal, nee mayabla› iyyan.

Daaniyel 9:5

Nanu dambi le taamat asneh, mako lem bahne. Umam abneh nan. Koo cinneh, atu nek aba intem abnu cinneeh, gitak taniimiy atu nee tuybulleehiyya maaqilleh.