Yacedkel 13:3 - NABUWWA KEE MALIKWA

³ Yoo YALLAY Mulki lehiyya axceemih: able ween wacyi ‹Nuble› iyyan. Isinni amok yeyyeeqen yaabal, ‹Woh akkele ah akkele› iyyan. Oson duquuraay; kenim tekkeh!

Yacedkel 13:3 ပူးပေါင်းရင်းမြစ်များ

Ermiyaas 23:1

YALLI iyyemii, «Yi mara bayissaah fixixih rubta malikwat yi cokmi yakku waa saaku, cokmi keenil agibdeele!

Ermiyaas 23:16

«Toh too tiya'mmay, Yarusalaam maraw, yoo YALLAY Nabaamak Nabahiyya siinik axcem liyo. Toh macaay inteenik, ama mari siinil yaceem numma makkalina. Deedaltam siinil yaceenim, gee waytaanam geettoonu siinik iyyan. Siinil yaceenim, isinni amok yeyyeeqen yaaba ikkal, anu keenik excem hinna.

Ermiyaas 23:9

Ermiyaas dirab le nabuwwah giddinaamak iyyeemih, «Cisab yoo yibbixeeh; afqado dub yok inta; xagar yok axaxitah. YALLAY *kudduusuk yani kee Yallih qangarah meysih, yiskire numih innah gaceh an. Mango kamri yooqobe numih bis elle an.

Ermiyaas 28:15

Too waqdi Ermiyaas Cananiya fanah gexeeh, kaak iyyemii, «Cananiyaw, YALLI koo maruubinnaay, atu ummatat dirab numma celsissa. Tonna'mmay taway YALLI kok iyyem koh warisu waak ankacis. ‹Ahaysa addunyâ bagul koo macaba. Ummat yi naqboytit abteeh, tohuk gexxaamah a sanat gaba kale'kal rabettom ixig› kok iyye» kaak iyye.

Yacedkel 13:18

Keenik intaamah: YALLAY Mulki lehiyya siinik iyyaamah, « ‹Kee agabow, sinim tekkeh! Amot malmaalan sara sinaamah bicissan. Carayat haan kitooba sinaamah gaaxxan. Toh akah abtaanam, woo marih roocik isinnih faxxeenim abtoonu duddaana'gidih abtan. Isinnih faxxeenim edde geytaana'gidih, yi ummat rabak cattaanam kee qiddaanamih dudda taalleenim faxxan.

Yacedkel 13:4

Israayil maraw, isin nabuwwah liton mari wakarway abuuruh raqte magaalal tanihiyyah gide ikkal, xiqaanam malon.

Yacedkel 34:2

Bani-adantow, Israayil abbobtit takku waytam keenih waris. Keenit takku waytam keenih warisaay keenik intaamah: YALLAY Mulki lehiyya siinik iyyaamah, «Israayil-loynittey, finqi sin yibbixeh! Isinni amo wagittaanah illi amo mawagittan.

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

Zakariyya 11:15

Tohuk lakal YALLI yok iyyemii, «Taway kaadu illi nagay duwe waa duweenih innah gac.