Yacedkel 13:15 - NABUWWA KEE MALIKWA

¹⁵ Gidaar kee gidaaral noora hee mari yi qande le'nna ablele. Too saaku, ‹Gidaar kee gidaaral noora hee mari gaba kaleh› siinik axceyyo.

Yacedkel 13:15 ပူးပေါင်းရင်းမြစ်များ

Nacmiya 4:3

Toobiya deqsita num kaadu kay garik soolak suge. Too num iyyeemih, «Taway gasok teena xissoonu waanam yoh ceelan. Wakri ibah yewqek raqta gaso hinna» iyye.

Yasaqya 30:13

ama dambi, tonkommeeh bokokte gasoy maqar cabba hayteh raddam faxxahiyya siinil akkele. Isin tonnal garciik radetton.

Ermiyaas 14:15

Hay taway ta maray anu ruube weeh isinni amok eyyeqqa heeh, ‹Ahaysa carbih tanim mali; qulul kaadu mayan; toh Yallak noobbe yaaba› axcuk, sin lih yaabahiyyal baahu waam koh warisu waa! Carbi kee qululut ken qideyyo.

Yacedkel 13:14

Isin noora elle hayten gidaar bayseyyooh; gidaarak guba rakiiboh heen xeet qasunuk raqqa 'yam fanah, bututtukku heeyyo. Gidaar rada waqdi, isin addat akak bayetton. Anu YALLA kinniyom too saaku yok aaxigetton.

Yacedkel 13:16

Ane waah yan amaanah ‹Amaan yani› axcuk, Yarusalaam maral dirab yecee mari too saaku masuga. Tahat yabtam yoo YALLAY Mulki lehiyya» 'yaanam yok iyye.