Yacedkel 13:11 - NABUWWA KEE MALIKWA

¹¹ Ama nabuwwa akak iyyan marak, ‹Kaxxa roobuy arroqle lehiyya ruubeyyoh; caaco ruubeyyo. Too rob kee caaco gidaar siinik aggilele› keenik inxic.

Yacedkel 13:11 ပူးပေါင်းရင်းမြစ်များ

Yasaqya 25:4

Baaciteeh yossomme marah reebu kinnito, Dageltaw. Gadaama kaa tabbixe way gabat tu sinni miskintuh reebu kinnito, Dageltaw. Too maray ayro carrissah caaco kee rob qayyaawise, reebissah, ken silaalissa. Xuwaw maleelah umaane kaxxa caacoy xeet taggileh inna le'mmay tu mabahta.

Yasaqya 28:2

Dagelti gabat lem oobbeya. Qande le celemiy kuwwat le, atkaay qeebi keenit aba'gid gabat leeh; bical yabbixeh yan. Usuk mamaata abu waa saaku, arroqley kaxxam gibdih gurrah, kullim bayissa caacoh innah, kullim duufut beya weeqi'nnah, amaatele, gufele tokke. Toh inkih baaxol oobisele.

Yasaqya 29:6

YALLAY Nabaamak Nabahiyya qaran-kakkaqooy baaxoh-angoyya kee ibak-gibdi-xongolo ruubele. Tonnah kaadu, kaxxa caaco kee caacay kee sinam takme gira ruubele. Yarusalaam mari tohuk cattiimele.

Yasaqya 32:19

Garbol kaxxa arroqle raddaamah, magaala abuuruh raqtaamah,

Yacedkel 1:4

Amo iroh fayya hee waqdi, kaxxa caaco kilbat le kabuk amaatih uble. Kaxxa qamburreh addat cankaxay bixiq iyya uble. Cankaxi bixiq elle iyya'kkel, nacaas innah tanim ifah uble.

Yacedkel 13:12

Gidaar addigillele. Too waqdi, ‹A gidaaral hayten noora maca xiqteeh?› 'yaanam siinik axcelon» iyye.

Yacedkel 38:22

Toh lih kaadu dalka kee qabala tittak caxeloonuuh, tohul ken digaaleyyo. Kaa kee kay qaskar kee, wohuk kalah yan maray kay xaquk gacca 'yeh qeebih gulguluh yanihiyyal, kaxxa roobuy gira kee dani (xalol kibrik) agleh yanihiyya keenil ruubeyyo.

Naacum 1:3

YALLI giffa 'ta qande le'mmay, tohuh dagoomut mabagcarrita. Takkay immay umaane aba mara digaale'kal macaba. Isih elle gexa kabul caacay kee caaco ugusa. Siisa sahdah ibat elle ugutta'nnal, qamburre kay ibih gubat ugutta.