Yacedkel 13:10 - NABUWWA KEE MALIKWA

¹⁰ YALLI kaadu iyyeemih, «A nabuwwa akak iyyan mari, ‹Umam matanaay; baaxo amaana› axcuk, deedala amaan yanim sinaamat celsiisan. Tonna'mmay amaan mayana. Yi mari bokoke gidaar xisaanaah; too nabuwwa akak iyyan mari bagul akak noora haan.

Yacedkel 13:10 ပူးပေါင်းရင်းမြစ်များ

2 Malikwa 21:9

Takkay immay Manasse, Yuudâ-mara, duma woo baaxol suge maray YALLI ken taagah woo baaxok yeyyeeqehiyya abak suge dambik lafita dambit ken asise.

2 Aydaad 18:12

Oson tohut yanin waqdi, Miikayhu baaha'gidih gexe qaskar-abbah-yen-num kaa geeh kaak iyyeemih, «Nabuwwa inkih malikih meqem tubleh tani'mmayii, atu kaadu oson yubleenim tableemi» kaak iyye.

Yasaqya 30:10

Takku waytam sirrih table awliyak, «A sirrih mabuluk raaqa» iyyan. Yallih farmo bahta nabuwwak kaadu, «Hununuh taniimik bagul hayya mahanay, ceetaalissa haay, nanu naabbem elle fanxa innal neh warisa» iyyan.

Yasaqya 57:21

«Umaane le mari amaan mageya» 'yaanam iyya yi Dagelti.

Ermiyaas 14:13

Too waqdi anu excemii, «YALLAW, Mulki le Dageltaw, nabuwwa, ‹Ahak wadir carbi mayanaay qulul mayan. Yalli a baaxo kulli waqdi amaanah xiiniseyyo nek iyyeh qahdi neh cule› axcuk, ummattah warsan» 'yaanam exce.

Ermiyaas 23:17

Yoo buri intit yable marak, ‹YALLI, «Amaanah sin xiiniseyyo. Kullim siinil amqele» siinik iyye› iyyan. Yi yab aabbe waa maray isinnih faxam abahiyyak kaadu, ‹Umaaneh siinit takku waytam mali› iyyan» iyye.

Ermiyaas 23:32

Ummatey, anu siinik axcem ankacisa. Yok amaate wayte soono ‹Yallak nel temeete› iyyaah; anu keenik axce weem ‹Yalli nek iyye› iyya maray nabuwwa kinnino iyyak naqboytah yan Dagelta kinniyom yok ixiga. Ta mari isih edde yan mako hinna'mmay, ummat yok makot beyan. Akke waanaah gideh isinni haan. Ken rubtem yoo hinna. Farmoy keenil ruube mayyu. Ken kee oson bahneh iyyan farmo, ummatah xiqtam le farmo hinna. Tahat yabtam yoo YALLA kinni» 'yaanam iyye.

Ermiyaas 28:9

Takkay immay baaxol wagari gacele iyya nabi, nummah YALLI ruube nabi kinnim kaak elle tamixxigem, edde yabba 'yem nummak maacissa waqdi» 'yaanam kaak iyye.

Ermiyaas 4:10

YALLI toh yoh warse waqdi, anu kaak excemii, «YALLAW, Mulki le Dageltaw, atu a mara aylahisseh tan. Ahaysa amaanah xiine loonu 'yaanam inte'mmay, taway elle able'nnal, gile katlal keenik tanih tan! Tonna leemiik keenil makteh» 'yaanam exce.

Ermiyaas 5:31

Toh macaay inteenik, nabuwwa diraabak sa nummat yaabe waytam tibbixe. Seeka nabuwwa aba intem abta. Yi mari tohum yableh immay akak iyyam mali! Hay meqehik, ellecaboh ayroy kullim gaba edde kalta maca abetton?» 'yaanam siinik iyye.

Ermiyaas 50:6

A saaku yi mari, duwah edde yan num gitak makot bee illiy maatah yani yekken. Illiy qaleela kee koomaamih amol loyna weeh meekitahiyya ceelan. Isi dabaaqak cerrite illi yekken.

Ermiyaas 6:14

Yi marat tekkeh tan diglok, ‹Ah tu hinna sahalih taniimi› iyyan. Ane sinni nagaynak, ‹Baaxo nagaya! Umaanek tanim mali› iyyan.

Ermiyaas 8:11

Yi mari kaxxa biyaakah biyaakita immay, sahlih yaniinim celsiisan. Baaxo amaan mali'mmay, «Baaxo sahliiy, amaanaay; umaane matana» iyyan.

Ermiyaas 8:15

«Ahak wadir amaanah xiinennooh edde nan biyaakak qaffootennom akkaluk sugne'mmay, woh makkooy; wohih aftok akak cunxitan umaane nee tibbixe.

Yacedkel 13:16

Ane waah yan amaanah ‹Amaan yani› axcuk, Yarusalaam maral dirab yecee mari too saaku masuga. Tahat yabtam yoo YALLAY Mulki lehiyya» 'yaanam yok iyye.

Yacedkel 22:28

Nabuwwa qari irok noorat yaskute marih innah, ta umaaney takkehiyya yastureenih; able ween wacyi nubleh iyyaanaah, akke waytu waytam akkele iyyan. Toh Yallak geyne xaagu iyyan. Yoh tu gactek, anu tu keenik maxacciyo.

Yacedkel 7:25

Niya siinik radeleeh; amaan faxettoonu'mmay mageytan.

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.

Malaaki 3:15

‹Tahaysa farcaanak tanim, kaxxiina le mara axcenno› intan. ‹Uma taamat asa mari gaddalitte yakkeeh; Yallal saduh gaca marat takkem matan› intan» iyye.