Yacedkel 12:7 - NABUWWA KEE MALIKWA

⁷ Sarrak anu too Yalli aba yok inxicca 'yem abe. Too ayro seewah beyan mari gexa waqdi akah aba'nnah, duyye bicsitta hee. Carra kaadu bari radam faxa waqdi, gidaar inni gabat boohassa heeh akak ewqe. Kulli num yoo elle yable'kkel, duyye sunkul hayya heeh foore.

Yacedkel 12:7 ပူးပေါင်းရင်းမြစ်များ

Yacedkel 12:3

«Tonna'mmay, bani-adantow, seewah beyan mari akah aba'nnah, ifaanih akah duyye bicsitay safarah ugut. Away elle tan arac cabba hayteh gersi arac fanah gexxa waqdi, sahda inkih koo tabalay inxic. Ama makoleela koo table waqdi, cedeloonum takkeh.

Yacedkel 12:8

Ciggilta ayro YALLIH qangara yol obteeh; yok iyyeemih:

Yacedkel 2:8

«Anu kok axcem oobbey. Ken innah yabti-cina le num makkin. Away af fakaay; anu koh aceem unxuq» yok iyye.

Yacedkel 24:18

Too saaki ayro Yallih diini sahda barisak sugeeh; carri bar yi barra rabte. Nammeyhaytô saaku anu Yalli yok akah inxicca 'ye innah abe.

Yacedkel 37:10

Too waqdi caacayak, too YALLI yok inxic akah iyye'nnah, exce. Anu toh exce waqdi, too lafoofiy naharak xagar tekkehiyyat ufuy culeeh, too waqdi rooci keenil gaceeh, solla 'yen. Too mari sittat, dudda le macaxih gide yekke.

Yacedkel 37:7

Anu too waqdi YALLI yok elle iyye'nnal, too lafoofi lih takku waytaamat yaabe. Too yaabat an waqdi, sasac intaamih anay yol rade. Too waqdi lafoofi tittat xakbinte.