Yacedkel 12:28 - NABUWWA KEE MALIKWA

²⁸ yoo YALLAY Mulki lehiyya keenik axcem keenih waris. Keenik intaamah, ‹Anu inxicca excem akkeleeh; muudurruttay xayuk akkele› keenik inxic. Tahat yabtam yoo YALLAY Mulki lehiyya kinni» iyye.

Yacedkel 12:28 ပူးပေါင်းရင်းမြစ်များ

Ermiyaas 1:11

Ermiyaas qagseeh kaadu iyyeemih, «YALLIH qangara yol obteeh, ‹Ermiyaasow, taway tablem yoh warisey› 'yok iyye. Too waqdi excemii, ‹Taway ablem saakad deqsitta caxak ludda› 'yaanam exce.

Ermiyaas 1:12

Too waqdi YALLI yok iyyeemih, ‹Numma kok. Anu kaadu edde yaabe yab numma elle yakke innih cubbusiyyat an› yok iyye.

Ermiyaas 1:13

Sarrak kaadu YALLIH qangara yol obteeh yok iyyemii, ‹Away kaadu maca table?› yok iyye. Too waqdi kaadu exceemih, ‹Laqa buuti yoh yambulle. Too buuti kilbat le kabuk nee fan qeegah ableh an› exce.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Ermiyaas 44:28

A carbik tasillimu waytaah Yuudâ-baaxo aleelittu waytam, dago mara. Tohuk wadir Yuudâ-marak saaboh raaqe mari, yi yab numma kinnim kee sin yab numma kinnim ablelon.

Yacedkel 12:27

«Bani-adantow, Israayil mari, ‹Atu-tuble-wacyi xer saaku anguddubele› axcuk yaabaana'mmay,

Yacedkel 13:1

YALLIH qangara yol obteeh; yok iyyeemih:

Yacedkel 7:13

Yi naqbi kulli numul oobeleeh; edde kasaaritta 'yem geyam fanah sugu waa tellemmô-num mayan. Uma-mari yi naqabut bayele.

Yacedkel 7:7

A baaxol yan maraw, sinim tekkeh! Ahaysa qaleh amol yan makaamah abak tenen sadgat kee qiid siinik raaqeleeh; abtaanah absissaanam waagissa heetton.