Yacedkel 12:19 - NABUWWA KEE MALIKWA

¹⁹ Taham Israayil maray away isi baaxol yanihiyyat takku waytaamih ceelallo takke'gidih ab. Israayil mari yaaqubeeh yakme waqdi meysih axaxitele. Sahdah cakkiy yaaxigeenihiyya maloonuuy; edde yaniinim kulli way baatili kinnuk, oson elle yanin baaxo suge wayteh innah gacele.

Yacedkel 12:19 ပူးပေါင်းရင်းမြစ်များ

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Ermiyaas 10:22

Toh too tiya'mmay, away xaagi yemeeteh yanik oobbeyay! Kilbat le kabuk kaxxa waxxaqa kee deero aba mari yamaate iyyaana'mmay too mari yamaatu waa waqdi, Yuudâ-magaalooli bacarih gacissa heelon. Oson elle sugen arac wakri guub akkele» 'yaanam keenik exce.

Ermiyaas 18:16

A baaxo akak meysitan baaxo akkele. Teetit tekkem yabalu waa mari ken sabbatah tet burtele. Gitah teetik xaqu gaceh gexu waa mari ah yable waqdi wariggitele. Ahamal qagabsiteloonuuh, namma xabanal gaba hayya heenih ‹A baaxot tekkem, gibdiimik tanih tan!› axcelon.

Ermiyaas 25:11

Inkih yan rasu abuuruy sahda elle deedalta abeyyo. Baabelon-malikih gabat iysibixe baaxooxa, malcina-tabanih sanat Baabelon xintoh gubat gacele.

Ermiyaas 32:28

Tonna leemiik, a magaala, Malik-Nabkadnessar kee kay qaskarih gabal heeyyo. Too mari qeebit tet abbixeleeh,

Ermiyaas 33:10

YALLI qagissa heeh, iyyeemih, «Ummat intaamah, ‹A baaxo bacarih tan baaxoy num kee lac elle deedaltahiyya tekkeh tan› 'yaanam iyyan. Toh keenik numma. Yuudâ-magaalooli kee Yarusalaam gititte sinaamak nummah foyyah raqteeh, lac kee num addal akak maraaqinna. Takkay immay ahak sarra,

Ermiyaas 33:12

YALLAY Nabaamak Nabahiyya kaadu qagseh iyyemii, «Ta baaxoy a saaku bacari tekkeeh, num kee lac elle deedaltam tableenihiyyal, ahak sarra lac elle yaloole qayso aabukele. Wadar kee illit duwah yan mari cayiseh ken orbisele.

Ermiyaas 4:27

Macaay inteenik, YALLI, ‹Inkih tan baaxo abuuruh raaqele iyyeh immay, inkitanuuk tet bayseyyo 'yaanam maxacco.

Ermiyaas 6:7

«Dori leek yamagge waqdi afak akah caxa'nnah, Israayil mari aba umaane emegga 'teh caddo cabteh caddok taturteh. Aban umaane kee baatiy sinaamat abaanahiyyah anay yol rada. Lakmisa mara kee mudduume mari yoh yambulle.

Yacedkel 36:3

«Hay tonnal takku waytaamat yaabaay, keenik intaamah: YALLAY Mulki lehiyya iyyaamah, Israayilik cuggaaneh yan mari Israayil qaleela yibbixeeh ken buube saaku, ken gabal gacteenih; too mari sin bursuteeh anqaasah af siinil raqeeqise.

Yacedkel 4:16

Sarrak yok iyyeemih, «Bani-adantow, Yarusalaam mari geyak suge maaqo akah gee waan innah abeyyo. Wokkel yan mari meysi luk yakme maaqo miizaanal keexak akmeleeh; yaaquben lee keexol keenih aceeyyoh, axaxitak aaqubelon.

Yacedkel 6:14

Gaba keenil qideyyooh baaxo keenik bayseyyo. Gabbi-qaxat raqta bacarih tan baaxok xabba haanamaay Ribla deqsita aracay kilbat le kabut raaqahiyyah amma 'yaanam, abuuruh tan baaxoy num sinniih lac sinni abeyyo. Israayil mari elle yan baaxok tu macabay inkih bayseyyo. Ummat too waqdi anu YALLA kinniyom yoh aaxigelon» yok iyye.

Yacedkel 7:23

«Baaxol titta qida mari yemeggeh; magaalal umaane aba mari caddo cabelek, silsilatwa bicis.

Miika 7:13

Takkay immay too baaxooxa, teetil suge marih uma-taamak gexxaamah, bacari akkele.

Zakariyya 7:14

Kaxxa caacay guddaafa duufut elle beya'nnal, ken baaxok eyyeqqa ken heeh, marin baaxo fan ken iskiliqe. Tonnal a xaqan le baaxo dibuk raqteeh, dibu tekkeeh; a saaku num teetil mayan» kaak iyye.