Yacedkel 12:15 - NABUWWA KEE MALIKWA

¹⁵ «Ummat addat ken ruubu waah, aaxige waan marih fanat ken fixixisu waa saaku, YALLA kinniyom yok aaxigelon.

Yacedkel 12:15 ပူးပေါင်းရင်းမြစ်များ

Ermiyaas 29:18

Carbi kee qulul kee dalkat qayyaawissa ken heeyyo. Kulli doolatay keenit tekkem tabalu waytahiyya inkih, taham waagissa heele. Fixixih ken elle abbixe baaxoy innih ken ruubehiyyal, taham akkih yable mari kaxxa wariggah wariggitele. Bursutan maray ilaq le ken abeyyo. Woo-marat tekkem siinit takkay axcuk, sinam abaaroh haysitan mara ken abeyyo.

Ermiyaas 49:32

Gaala keenik dannabah beya. Laa keenik dannabah orbisa› kaak exce. Keeniy amô-xagor namma seltak isik yargiqehiyya kulli baaxol fixixih ruubeyyo. Kulli kabuk bala keenil oobiseyyo.

Yacedkel 11:10

Seefit rabettoonuuh; Israayil cuduudul sin digaaleyyo. Too saaku anu YALLA kinniyom kulli num aaxigele.

Yacedkel 12:16

Ken yabbixu waa qeebi kee qulul kee dalkak dago mara keenik cateyyo. Toh akah abu waam, rabak raqte saabo duma abak sugeenim uma taama kinnim, fanat ken akah fixiixise marah warsaana'gidi. YALLA kinniyom too waqdi yok aaxigelon» yok iyye.

Yacedkel 12:20

Away ummat kibuk elle tan magaalooli abur akkele. Inkih tan baaxo num sinniih lac sinni bacari akkele. YALLA kinniyom yok taaxigoonu waytaanam, too saaku, keenik inxic» yok iyye.

Yacedkel 14:18

woo sidiica num sugaanamah, waara YALLAY Mulki lehiyya kinniyooh, inni migaaqal xiibita'mmay, isinni rooci akke waytek, isinni xaylo cataanam duudak manannon.

Yacedkel 24:27

Too ayro afay yabtu edde affaruk sugtehiyya koh fakkiimeleeh yaabetto. Too waqdi too numuy xaagu koh baahehiyya lih yaabetto. Ummatah asta akkettooh; oson anu YALLA kinniyom aaxigelon» iyye.

Yacedkel 25:11

Tonnah kaadu Mooyab digaaleyyooh; too saaku YALLA kinniyom yok aaxigelon» iyye.

Yacedkel 26:6

Teetik baddi-afal raqtah tan mandarittel yan mara seefit selelon. Suur mari YALLA kinniyom too saaku yok aaxigelon» iyye.

Yacedkel 28:26

Too baaxol amaanah xiinelon. Tokkel buxaaxi xissiteloonuuh, qinab coox abqurelon. Cuggaaneh keenik yan maray ken bursutak suge digaaleyyooh; Israayil amaanah xiinele. Too waqdi anu YALLAY ken Dagelta kinniyom aaxigelon.

Yacedkel 33:33

Atu keenik inxicca 'tem, raq lem hinna, akkeleemiiy; too saaku nabi ken addat sugem aaxigelon» iyye.

Yacedkel 39:28

Too waqdi yi mari anu YALLAAY; ken Dagelta yoo kinnim aaxigelon. Ah elle yaaxigoonu waanam, duma innih seewah ken ruubeeh a saaku wadir gaabossa ken heeh, num keenik cabe'kal, inkih ken rasu ken gacsaamal yok aaxigelon.

Yacedkel 5:10

Yarusalaamey, anu kot abu waa digaalah, xaleena xayloh-cado akmeleeh; xaylo xaleenah-cado akmele. Too bis le kaxxa digaalah sin digaaleyyooh; wohuk raaqe mara fixixih kulli kabul ruubeyyo.

Yacedkel 5:13

«Siinil beyah an digaalak cayya axcem fanah, siinih abeh an naqabuh bala siinil oobisak sugeyyo. Tah siinit takku wayta saaku, yooy YALLAH yani yol bahten makoh sin inqibeeh yaabem aaxigetton.

Yacedkel 6:14

Gaba keenil qideyyooh baaxo keenik bayseyyo. Gabbi-qaxat raqta bacarih tan baaxok xabba haanamaay Ribla deqsita aracay kilbat le kabut raaqahiyyah amma 'yaanam, abuuruh tan baaxoy num sinniih lac sinni abeyyo. Israayil mari elle yan baaxok tu macabay inkih bayseyyo. Ummat too waqdi anu YALLA kinniyom yoh aaxigelon» yok iyye.

Yacedkel 6:7

Sahda kulli ikkel keenik qidelon. Too waqdi YALLA kinniyom yok aaxigelon.

Yacedkel 7:4

Siinih maracmata. Siinih maxuwaawa. Abten qaybik tan abtoh sin digaaleyyo. YALLA kinniyom tonnal yok aaxigetton, keenik inxic» yok iyye.