Yacedkel 11:23 - NABUWWA KEE MALIKWA

²³ Too ifuy YALLIH nabna yaybulle, magaala cabba heeh, ayrô-mawqa le kabut raqta qale fanah gexeeh, wokkel elle yeede.

Yacedkel 11:23 ပူးပေါင်းရင်းမြစ်များ

Yacedkel 1:28

Too ifuy urahiyya qaran-bagih calawwaytu bisu luk yeneeh; YALLIH nabna yaybulle ifuk ten. Toh eexege waqdi, gomboh baaxok bagul rade. Sarrak yabti xongolo yol radde.

Yacedkel 10:18

YALLIH nabna yaybulle ifuy diifu lehiyya Qibaadâ-Qarih culma cabeh, rooci-leemik daga raaqa arac fanah gexe.

Yacedkel 10:4

Tohuk lakal YALLIH nabna yaybulle ifuy kaxxa diifu lehiyya galwa leemik cabba heeh, Qibaadâ-Qarih culma fanah gexe. Qamburre inkih yan Qibaadah-Qari bulte. YALLIH nabna yaybulle ifuy diifu lehiyya Qibaadâ-Qarih daarat duuduse.

Yacedkel 43:2

Tokkeek Israayil doore Dageltih nabna yaybulle ifuy diifu le uble. Yallih anay baddi haffoh innah xongoleeh, Yallih ifuy diifu lehiyya baaxo inkih duude.

Yacedkel 43:4

Too ifuy YALLIH nabna yaybulleehiyya Qibaadâ-Qarik ayrô-mawqa le kabut raqta afa fanah gexeeh; tokkeek Qibaadâ-Qarih adda cule.

Yacedkel 8:4

Tokkel kaadu duma Kabar deqsita weeqaytul an waqdi akah uble'nnah, Israayil doore Dageltih nabna yaybulle ifuy diifu le uble.

Yacedkel 8:6

Too waqdi Yalli yok iyyeemih, «Bani-adantow, ama'kkel takkem tablee?» yok iyye. Qagissa heeh, «Israayil mari aba qaybih tan taama ubuley. Tama table qaybik gexxaamah, yi aracay taahirik yanik yoo yeyxeereenih. Ahak sarra amahak gaca qaybi elle yakke arac abletto» yok iyye.

Yacedkel 9:3

Too waqdi Israayil doore Dageltih nabna yaybulle ifuy diifu le, naharak elle suge galwa-leemih amok katta 'yeh, Qibaadâ-Qarih culma fanah gexah uble. Sarrak YALLI, taaxige-meqe sarot-sartanah-yan numuy gabat kutbe elle aban duyye lehiyyah secca 'yeh,

Zakariyya 14:4

Too ayro YALLI Yarusalaamak ayrô-mawqa le kabut raqta Madeera-li deqsitta qalel gacele. Too qale ayrô-mawqaak ayrô-culma fan namma ikkel kurruumeleeh, fanal kaxxa daqar akak awqele. A qalek garab kilbat fanah angayyeleeh, garab gabbi-qaxal angayyele.