Yacedkel 11:2 - NABUWWA KEE MALIKWA

² Too waqdi Yalli yok iyyeemih, «Bani-adantow, uma malah malissaah, a magaalah addal uma fayuh sinam fayissam tama mara» yok iyye.

Yacedkel 11:2 ပူးပေါင်းရင်းမြစ်များ

Aster 8:3

Tohuk lakal Aster malikik ibak gubal raddeeh, weeqah sinkibitak kaak inteemih, «Agag deqsita malikik rade Haaman, Yahuud marah looweh suge umaane akah raaqisinnaan innah ab» kaak inte.

Yasaqya 30:1

YALLI iyyeemih, «Yabti-cina le xayloy, sinim tekkeh! Anu faxam cintaanaah, isinnih faxxen mala malsittan. Yi idni maleh bica sinam lih haysittaanaah, dambit dambi osissan.

Yasaqya 59:4

«Qadaalat faxximtaama» iyya num mayanaay, cokmi-buxal qadô-baguuk yaabe num mayan. Foyyah taniimil kibaal haanah, diraabat yaabaanah, umam malsaanah, umaane aban.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Ermiyaas 5:5

Tohuk lakal «Idoolal keenik gexeyyooh, ken idoola lih yaabeyyo. Too mari YALLIH gita yaaxigeeh, Yalli iyyem yaaxige maraay; keenil gexeyyo» 'yaanam inni bagul ucsube. Takkay immay oson kaadu yakkeenimik inkih, Yallih yab cine maray Yallak yexxeerehiyyak sugen.

Yacedkel 7:26

Balak-bala sin ciggiilele. Naharak toobben xaaguk gaca xaagu sarrak aabbetton. Sarra takku waytam neh warisa axcuk nabuwwat kallacsimetton. Seeka ummatah-warissam mageytaay; idoola ummatak-fayuh-intam mageyta.

Naacum 1:11

Nanawê magaalay, YALLAL malse numuy sahdah uma fayu yeceehiyya kok yemeeteh yan.