Yacedkel 11:1 - NABUWWA KEE MALIKWA

¹ Yallih *Roocaaniyya baaxok ugussa yoo hayteh, ayrô-mawqa le kabut raqta YALLIH Qibaadah-Qarih culma fanah yoo bahte. Tokkel culmak xaqul labaatanna kee koona num uble. Too labaatanna kee konooyut Qaddúr-Yaadanya kee Banaayá-Falatya deqsitta abbobti yan mari edde yen.

Yacedkel 11:1 ပူးပေါင်းရင်းမြစ်များ

1 Malikwa 18:12

Anu akkek gexa waqdiik, YALLIH *Roocaaniyya beyya koo hayteh, aaxige waan baaxol koo qiddek, maca abeyyo? Atu akkel tanim kaah warissa heeh akkel koo week, raba yol ackumele. Anu awkah en saakuuy a saaku fanah YALLIH qibaadat yan num kinniyo.

2 Malikwa 2:16

Sarrak iyyeenimii, «Cayla le kontomuy akkel yanihiyyak genxeh ku abbah yan num waginnu wayna. Yallih roocaaniyya beyya kaa hayteh qalek teenah amo akki kee, hinnay kaadu, golok teenah addal kaa qiddeh cabtam takkeh» kaak iyyen. Eliisaq, «Aleey magexina» keenik iyye.

2 Malikwa 25:23

Yuudâ-qaskarih-abbobti kee qaskar ta xaagu toobbe waqdi, Gedalya fan yemeeten. Gedalya too saaku dabaaqah Mixfa deqsitta magaalal suge. Too saaku Gedalya fan temeetem, Natanyá-Ismaaqil kee Kareyyác-Yohanan kee, Tancumét-Seraayay Natoofâ-magaalah yooboke kee, Yaadanya deqsita numuy Maqkâ-magaalal yoobokehiyyak ten.

Yasaqya 1:10

Sodom marih bis le reedonow, YALLI siinik iyyam ankacisa! Gomorrâ-marih bis le ummattey, ni Dagelti siinik aba iyyam oobbeya!

Yasaqya 1:23

Ku addal abbobtih yan mari qamallitte yekkeeniih, siftâ-kataysiisih yanin. Oson kulli way guqul yakmeeniih, cokmi-aracal qayxiixah le cakki mayaaxigaanaay; gubuunut tekkeemih adda mawagtan.

Yacedkel 10:19

Anu wagittot an waqdi, galwa-lem galwa fakka hayteh, baaxook qaran fanah haadde. Too waqdi koramkorak gexxa duyye ken lih haadde. Qibaadâ-Qarik ayrô-mawqa le kabuk tan mawqah yemeeten waqdi, dagoom idiyya iyyen. Israayil doore Dageltih nabna yaybulle ifuy diifu le keenik amol ifak yen.

Yacedkel 10:22

Foocitte keenik kaadu, Kabar-weeqaytih garil suge saaku uble foocitte ceelak ten. Kulli tiiy keenik fooca fanah gexe.

Yacedkel 11:13

Anu too farmo keenih warsa waqdi, Falatya baaxol dub iyyeh rabeh. Anu kaadu baaxok bagul gomboh radeeh, «YALLAW, Mulki le Dageltaw, Israayilik raqte saabo inkih selta'nnaa?» axcuk anay fayya haak yaabe.

Yacedkel 11:24

Sarrak Yallih Roocaaniyya ukkuqqa yoo hayteh, Baabeloonuy seewah yoo elle yabbixeenihiyya fanah yoo bahte. Toh, suwaawur gurrah ubleeh; Baabelon gufek wadir abaluk maraaqinniyo.

Yacedkel 22:27

Israayil abbobti, barugi amol tongoorowe suulay mariiy kabuk akak yakmeh innah abitan. Gita maleh gaddalitaanamih fayxih sahda qidan.

Yacedkel 3:12

Tohuk gaba kale waqdi, Yallih Roocaaniyya ukkuqqa yoo hayteh yoo beyteeh; too waqdi darre le kabuk, «Yalli elle yan qaraanal, nabna kaak kulsa le; kaa faylisa» inta xongolo oobbe.

Yacedkel 3:14

YALLIH qande maqar luk xagarat yok culte. Yallih Roocaaniyya yoo tukkuqe waqdi, tu'naqabu kee bagcarra xagarat yok culte.

Yacedkel 37:1

YALLIH gaba xagaral yok gacteeh, isi Roocaaniyyat beyya yoo heeh, golok gudel daffessa yoo hee. Woo goloh addal mango lafoofi ten.

Yacedkel 40:6

Tohuk gaba kalla hee waqdi, daarat akak yawqen afay ayrô-mawqa le kabut af cabtahiyya fanah gexe. Tokkek mawqeena yewqeeh; amo guffu hee waqdi, dagaak guba fanah culma takkeh gide yimittire. Sidooca mitri xexxaarah tekke.

Yacedkel 41:1

Wohuk gaba kale waqdi, gudel raaqa goli fanah yoo bee. Tohuu, Taahirik Yan Aracak ten. Too arac fan beya gita yimittire. Too arac xexxaarah sidooca mitri yekkeeh,

Yacedkel 8:16

Sarrak Qibaadâ-Qarik adda le kabut raaqa daarat fanah yoo bee. Tokkel, YALLIH Qibaadah-Qarih adda akak culan culma kee sadgat elle aban aracak fanal, labaatanna kee koona num yen. Too labaatanna kee koona numuu, qibaada qarit darre cabak, ayrô-mawqa fan qununnu 'yeh, tawqeh tan ayro aqbuduk yenen.

Yacedkel 8:3

Gabah innal tanim yoo fanah ruubunteeh; amô-xagor yok tibbixe. Too waqdi suwaawur gurral, Yallih Roocaaniyya qaran fanah yoo teyyeeqeeh; Yarusalaamak kilbat le kabuk yamaaten waqdi, Yallih Qibaadah-Qarik adda akak culan afa yoo bahte. Tokkel gabat bicsen duyyey yallah loonuhiyya fanah yoo bahte. Yallih naqabu bahtem, too duyyek ten.

Hosiqa 5:10

YALLI iyyaamah, «Yuudâ marih abbobti Israayil baaxo geyta'gidih, cuduudul suge xeet kala marih innal tekke. Tohih sabbatah yi bagcarra weeqi innah keenil oobiseyyo.