Yacedkel 10:5 - NABUWWA KEE MALIKWA

⁵ Galwa-leemih galwak tawqeh tan xongolo, Qibaadâ-Qarik afa le kabu raaqa daaratal kinni way antaabbuk ten. A xongolo Nabaamak Naba Dageltih xongoloh anay luk ten.

Yacedkel 10:5 ပူးပေါင်းရင်းမြစ်များ

1 Malikwa 7:9

A qarwa gubaay dagah akak bicseenim, meqe'nnal missat oren xeetiy saytunihiyyak ten. A xeet missal oren xeetik teneeh; adda le kabu kee iro le kabuk inkih xisnek fule kee uxuxxoote yakkeemik missat oreenih bicsen xeetik ten.

2 Aydaad 4:9

Seeka elle gacta'gidih, Qibaadâ-Qarik adda le kabul daarat bicsen. Tonnah kaadu iro le kabuk kaxxa daarat bicsen. Daarat-alfintitte bicseenih; too alfintitte nacaasak exfen.

Yasaqya 6:8

Sarrak «Farmoh iyya ruubaah? Ni farmoyta takku waytam iyyaay?» 'yaanam YALLA axcih oobbe. Anu too waqdiiy, «Anu akkeyyok yoo rub» exce.

Yacedkel 1:24

Haadan waqdi galway tittat keenik booddah anay oobbe. Too anay roobuy yangudehiyyah anay luk yen. Tonnah kaadu mango macaxuy waxxaq iyyah anay luk yeneeh; Nabaamak Naba Dageltih xongolo kaadu ceelak yen. Haadak suggu 'yeenih yeeden waqdi, rooci-leemik kulli ti isi galwa xambaqqa hee.

Yacedkel 10:6

Yalli taaxige meqe sarot sartanah yan numuk, «Gexay, woo koramkorak gexxa duyyey rooci leemik gubal tanihiyyak fanak, gira bah» kaak iyye waqdi, sissikuk addah culla 'yeh koramkorak gexxa duyyek tiyak teenak gariik soole.

Yacedkel 40:17

Sarrak too num Qibaadâ-Qari akak culan afak daarat fanah yoo bee. Tokkel woo irô-kabu raqta gasot xakabuh xisen soddom goli yen. Too soddom golik foocat xeet qalumuh elle heen arac yen.

Yacedkel 46:21

Tohuk lakal afa le kabut raaqa daarat fanah yoo beeh, too daaratak affara *ruknik kulli *ruknitiiy inki daaratay qunxahiyya yen. Too daarat-baxi xexxaarah labaatanna mitri akkuk yeneeh, baguh taban kee koona mitri akkuk yen.