Yacedkel 10:22 - NABUWWA KEE MALIKWA

²² Foocitte keenik kaadu, Kabar-weeqaytih garil suge saaku uble foocitte ceelak ten. Kulli tiiy keenik fooca fanah gexe.

Yacedkel 10:22 ပူးပေါင်းရင်းမြစ်များ

Yacedkel 1:1

Anu Buudi-baxa Yacedkel kinniyooh, soddomhaytô-sanatak fereyhaytoh alsak konoyhaytoh ayrot, Baabeloonul Kabar-weeqaytuk xaqut, Yuudâ-maray seewah beenihiyya lih an waqdi, qaran fakkimma 'yeeh; too waqdi Yallih wacyi yol oobe. Too wacyi elle ublem, Baabelon rasuk Kabar weeqaytu deqsita aracih garik ten.

Yacedkel 1:10

Kulli rooci-lem affara fooca leeh; woo affara foocak foociiy isi ceelo luk yen. Foocat yan fooci sahdayti ceelo luk yeneeh; migdi kabut raaqa fooci lubak ceelo luk yen. Guri kabut raaqa fooci awur ceelo luk yen. Salafti kabu raaqa fooci kaadu qawî ceelo luk yen.

Yacedkel 1:12

Kulli rooci-lem affara foocay lehiyyat affara kaalib fanah wagitak teneeh; tonna-leemiik gexaanam faxan ikke fanah, yakkeenimiik inkih afkanuk tittak baxsime'kal, daqaarimak sugen.

Yacedkel 1:9

Kulli rooci-lem namma gali fakka hayta waqdi, galwak san titta xagaah; too galway sanah titta xagtahiyya affara kaalib takke. Tonna-leemiik yangayyen waqdi, woo kabuuk a kabul angayye'kal, titta lih angayyuk yenen.

Yacedkel 10:11

Too duyye galwa-lem gexxa waqdi, oson elle gexinnaan kabul annak wonnah axce'kal, ken lih gexak yenen.

Yacedkel 10:21

Kulli tiiy affara fooca kee affara gali luk keenik yen. Kulli galih gubat sahdayti gaba celtam ten.

Yacedkel 11:1

Yallih *Roocaaniyya baaxok ugussa yoo hayteh, ayrô-mawqa le kabut raqta YALLIH Qibaadah-Qarih culma fanah yoo bahte. Tokkel culmak xaqul labaatanna kee koona num uble. Too labaatanna kee konooyut Qaddúr-Yaadanya kee Banaayá-Falatya deqsitta abbobti yan mari edde yen.

Yacedkel 43:3

Woo waqdi wacyih ublem, Yalli Yarusalaam bayisa'gidih yemeete saaku ublem ceelak ten. Kabar deqsita weeqaytih garil uble wacyi kaadu, ta wacyi ceelak yen. Too waqdi gomboh baaxol rade.

Hosiqa 14:9

Kas le mari a kitaabal yan yaabat radeleeh, afqadot raaqisele. YALLIH giti, cakkik yan gita. Cakki gitat gexa mari kay gita kataatele. Dambileelaay a yaabat baaqid mahaytaay, tohih sabbatah, kay giti adaf keenil yakke.