Yacedkel 10:2 - NABUWWA KEE MALIKWA

² Sarrak Yalli woo *baftak bicsen meqe sarot sartanah yan numuk iyyeemih, «Woo galwa leemik gubal tan koramkorak gexxa duyye fan gacca 'xicay, xikciinik gaba kibba haay; gexay Yarusalaam magaalal cax» iyye. Sarrak too num tokke fan cule waqdi, anu kaa wagitak raaqe.

Yacedkel 10:2 ပူးပေါင်းရင်းမြစ်များ

2 Malikwa 25:9

Too waqdi YALLIH Qibaadah-Qari kee malik-qari kee kaxxa-marih-qarwat inkih gira ruube. Meqe xisne le aroocat inkih gira ruube.

Yasaqya 30:30

YALLI, isi xongoloy kaxxa nabna lehiyya akah tantaabbe innah abele. Kay bagcarra qandek leh gide ablelon. Yallih-cayli habug inta giraay; kaxxa rob kee kaxxa caaco kee, tonnah kaadu, kaxxa arroqleh gurral amaatele.

Yacedkel 1:13

Ta rooci-leemik ura ifoytih innah taniimiy tangayyeeh way aade waytahiyya uble. A ifoytih gira habugga 'ta waqdi gubak tawqeeh; cankaxi innah bixiqqa axcuk ten.

Yacedkel 10:16

Too galwa lem qaran fan tewqe waqdi, too koramkorta mansafwa kaadu ken lih tewqe. Taaxige galwa-lem galwa elle fakinnaanimil, duyye keenik baxsime'kal ken lih gexxe. Galwa-lem soolinnaan waqdi, duyye kaadu soolak ten. Toh akah tekkem, a duyye galwa-leemih milkih teneemih sabbata.

Yacedkel 9:11

Too waqdi taaxige meqe sarot sartanah yan numuy kutbe elle aban duyye gabat lehiyya yuduureeh, «Yoo akah amrisseemik gaba kaleh» 'yaanam iyye.

Daaniyel 7:9

«Anu wokke fan wagitak suge waqdi, makaabon daffeynah koraasi uble. Woo koraasik tiyak teenal ‹Kulli Waqdi Yaní› daffeyah uble. Sari kaak cankaxi qidih inna luk yeneeh; xagor kaak qado illi xagoorih inna luk yen. Kay korsih ibittey koramkortahiyya akak bicseenim girak ten. Too korsi girah innah urak ten.