Yacedkel 1:26 - NABUWWA KEE MALIKWA

²⁶ Qari-amo-celtaamak daga, safir deqsita luuluk bicsen korsiy malik elle daffeya celtahiyya uble. Too korsih amol sahdâ-ceelo lem daffeyah uble.

Yacedkel 1:26 ပူးပေါင်းရင်းမြစ်များ

1 Malikwa 22:19

Miikayhu qagseh iyyeemih, «Taway YALLI iyyem siinih warisu waa. Anu YALLA qaraanal isi amoytiinih korsih bagul daffeyah uble. Kay malaykoota inkih migda kee gurak kaa maraasiyot kaa abbaxih ubleh eneeh;

Yasaqya 54:11

YALLI iyyaamah, «Biyak le magaalay gadaamittehiyyay, koo cataah aytikuma kok iyya num magennito'mmay, anu innih nammeyhaytô-xisneh koo xiseyyo. Limoh gibdih yan xeetik koo xiseyyo. Akak xisen xeet qaxmeqe-kallat edde haysiteyyooh, rakiibo kok kuclinan bisu le xeetik xiseyyo.

Yasaqya 6:1

Malik Quddiyya edde rabe sanatih addat Goyta uble. Usuk isi dardaarinni korsiy fayya kee nabna lehiyyal daffeyak yeneeh; xagarat culsah le sartan inkih yan Yallih Qibaadah Qari duudeh yen.

Yacedkel 1:22

Rooci-leemih-moyyak daga, miraayat innah wir intaamay luuluk bicsen qarih amoh ceelo lehiyya ten.

Yacedkel 1:5

Caacok gudet sahdâ-gurral tan rooci-leemik ferey uble.

Yacedkel 10:1

Woo galwa leemih moyyak daga raaqa aracay qari-amoh ceelo lehiyya fanah wagga hee waqdi, too tiyak daga, malik elle gaca korsih innah taniimiy safir deqsita luuluk bicseenim celtahiyya uble.

Yacedkel 43:6

Tokkel too yimittire num xaqut yok soolak suge waqdi, Qibaadâ-Qarik addak yo'lih yaaba anay oobbe.

Yacedkel 43:7

Yok iyyeemih, «Bani-adantow, amah yok dardaarinni korsih araca. Anu ta'kkel Israayil mara lih aneyyo. Abbootanah innih ken amol gaceyyo. Israayil mara kee ken malikwa ahak wadir xeet kee cooxuk bicsen duyyeh qibaadat yi migaq mabaysan. Ken malikwah raysitte fayya le aroocay xeet kee coox elle yaqbudeenihiyyal aagaquk migaq yok mabaysan.

Yacedkel 8:2

Annah wagga hee waqdi, girah innah urtaamay sahdayti ceelo lehiyya uble. Xonkook addah yan xagar kaak gira ceelak yeneeh; xonkook daga raaqa xagar, dugga heenih yisiffiyen nacaas innah, liliq axcuk yen.

Daaniyel 10:18

«Sahdayti ceelo luk yen malaykatti kaadu qagisak gabah yoo xageh, too waqdi xagar yok qande baahe.

Daaniyel 7:14

Too waqdi mango baaxoh tooboke ummatta kee mango kedoodah tan ummattaay, tonnah kaadu, mariy isi afat akak yaaba inkih, kaa akah taqbude'nnah, too sahdaytuh ceelot yan numuh, nabna kee malikanni qande tontocowweeh ten. Usuk le abbootan waara abbootanak ten. Kay dardaarinni gaba kala dardaarinna hinna.

Zakariyya 6:13

YALLIH Qibaadah-Qari nammeyhaak xissu waytam kaay; malikih taguude nabna geytu waytam kaa. Isi ummatak abba tikka 'yeh xiinisele. Malik dardaarinnih korsil gacele. Kay dardaarinnih korsih xaquk seekih yan num sooleleeh; too sek kee kaa abinnaanim titta lih abeloonuuh, muquk, wagarit titta xiiniselon. Toh intam YALLAY Nabaamak Nabahiyya› kaak inxic.

Yoosuwa 5:13

Ayrok teena Yoosuwa Yerikô-magaalak xayih yan aracal yan waqdi, garciik seef gabat le num isik foocal soolah yuble. Too waqdi Yoosuwa kaal yemeeteeh, «Atu ni qaskarih num kinnitoo, ni naqboytiitih num kinnito?» kaak iyye.