Xafanya 3:8 - NABUWWA KEE MALIKWA

⁸ «Abletton! Ablettoonuk qambaala meqehik! Anu ummat abte umaane ummatal diggoysu waah, ken umaaneh ken digaalu waa saaki yanih. Doolatwa kee malikwa inki aracal gaabossa heeh, yi naqbi le'nna ken aybulleem faxa. Inkih tan baaxo yi naqabuh obtu wayta girat cararele.

Xafanya 3:8 ပူးပေါင်းရင်းမြစ်များ

Yasaqya 14:26

Inkih yan baadak abam faxam tamahaay, baadal tan ummatta edde digaalu waa gaba fakeh» iyye.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Yasaqya 34:2

YALLI kulli baaxoh doolata'lih qeebih yan. Kay bagcarra yakkeenimiik keenil oobeleeh, ken bayselem keenil yuckumeh yan; ken marih-qidimih bical yan.

Yasaqya 63:6

Bagcarrite waqdi inkih tan doolatwat eeqeteh ken askirise. Qabala keenik baaxok bagul caxe» iyye.

Ermiyaas 10:25

Abta bagcarra koo aqbude waah koo cine maral gacis. Too mari neey ku mara kinnihiyya qideeh nee sele mara kinnon; baaxo nek abur aben» 'yaanam exce.

Hosiqa 12:6

Tonna kinnuk Yallay sin Dagelta kinnihiyyal eemenaay kaal uduura. Yallak kalihim maqbudina; maqaane kee qadaalat le mara tika. Yallih cato tamaatem fanah, wonnah maxcinaay annah maxcinay kaa qambaala.

Ayyuqel 3:2

Too waqdi, baadal tan ummat inkih gaabossa heeh, YALLIH Cokmih-Daqar baaheyyo. Tokkel Israayiliy yi mara kinnihiyyal bahha heenimih keenik malkiteyyo. Israayil mara marin baaxo fixixisen. Israayil rasuy yim kinnihiyya kurraasiteenih.

Miika 7:7

Yoh tu gactek, anu YALLI abam YALLAK qambaaleyyo. Yi Dagelti yoo catelem aaxigeeh, kaa qambaaleyyo. Yi Dagelti yi yab aabbele» iyye.

Cabakkuk 2:3

Away koh warisu waam edde takku wayta ayro uxih taniimih sabbatah, uktubay sug. Takkay immay maxeeriiy, too ayro xayuk amaatele. Anu koo ayballayu waam nummah akkele. Raagelem akkaletto'mmay takkem fanah qambaalay sug. Udurra mabtaay, akkele» iyye.

Xafanya 1:18

Too ayro bagcarriteyyo'mmay, yi bagcarrak oson lon dahab kee lakqo ken mawadda. Inkih tan baaxo yi naqabuh obtu wayta girat cararele. Anu num cabe'kal, garciik addunya bayseyyo» 'yaanam iyye.

Caggay 2:22

Too saaku marin doolatwa deerik afah korseyyo. Luk suggu 'yen qande keenik bayseyyo. Carbi edde aban gaariira kee woo faras-gaariira beya mara kombobboliseyyo. Faroosa kee faroosah amot yan mari rabeleeh; seefit titta selele.