Xafanya 3:5 - NABUWWA KEE MALIKWA

⁵ YALLI Yarusalaamak addal yanih immay, gitah taniimik sa makot tanim aba Dagelta hinna. Maaci maacisek wadir kulli saaku isi ummatah qadaalat lem abaah; tohu'mmay cakki gitak yexxeere mari uma taamah abittok maraaqaanaay, aban umaanek mawacarriyan» iyye.

Xafanya 3:5 ပူးပေါင်းရင်းမြစ်များ

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 28:19

Bala qaraanak siinit elle amaatinnaanimil sin baysele. Bar siinit amaateleeh, laqo siinit amaatele'mmay saabo sin cabsiisele» iyye. Ta farmok maqna teexegeenik, kaxxa hagga siinil akkele.

Yasaqya 33:2

YALLAW, neh emeq. Ku maqaaneh qambaalat nan. Maaci elle maacisinnaanimil maqar net hay. Gadaaminna saaku nee cat.

Yasaqya 45:21

Amaay, waytaanam cokmi-buxal haysita. Yistikyen maraw, intoonu waytaanam sitta lih malisa. Sarra takku waytaamat dumaak yabtem yoo. Ahat yabtem yoo YALLA; yok sa Yalli mayana. Anu gital tanim aba Dageltaay; wadeena kinniyooh, yi'nnah tanim matana.

Yasaqya 50:4

Boolaatteemit qande haa'gid, keenik axcem YALLAK barte; YALLAY Mulki le yoo barse. Usuk yoo barsa baritto, kulli maaca ankacisa'gid, xiinik yoo ugusak, yoo barsa.

Ermiyaas 3:3

Tohuk gexxaamah dabaybah rob baaxol radu cineh. Sugum kaadu maradinnay baaxo kafteh. Caalat siinik xiiqareh-xiinah caalatih bis le'mmay tohuh edde mawacarriytan.

Ermiyaas 6:15

A umam-yabuliy edde yaniinihiyyak xagar keenik dagoh gide kinni way mawacarriya. Wacarriy kinnim mayaaxigan. Tonna leemik oson kaadu gersi marak kaxxih bayelon. Ahak wadir keenit abu waa digaalah finqitelon. Tahat yabtam yoo YALLA» 'yaanam yok iyye.

Ermiyaas 8:12

Yi mari abeh yan umâ-yabulih wacarriya mara hinnon. Dirigga akah m'iyyan. Wacarriy kinnim yaaxige mara hinnon. Tohih sabbatah qeebil gersi marat tekkem keenit akkele. Keenit abu waa digaalak maraaqan. Tahat yabtam yoo YALLA› 'yaanam keenik inxic» yok iyye.

Yacedkel 18:25

«Wonnal, ‹Yalli qadaalat leh mayan› intan. Israayil maraw, ankacca yoo haay, anu abam gitah ane waytam takkaleenih immay, gitak ane sinnim sin taama.

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.

Hosiqa 14:9

Kas le mari a kitaabal yan yaabat radeleeh, afqadot raaqisele. YALLIH giti, cakkik yan gita. Cakki gitat gexa mari kay gita kataatele. Dambileelaay a yaabat baaqid mahaytaay, tohih sabbatah, kay giti adaf keenil yakke.

Hosiqa 6:5

Inni nabuwway farmo gabat le sin fanah ruubeeh, uma cokmi kee baati siinit akkelem siinih akah warsem tohu. Anu siinik faxam qellu lem hinna.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Miika 7:9

Dambi lem bahneeh, tohuk gexxaamah YALLI nee yinqibeh. Tonna leemiik ta saaku usuk net aba digaala raabitnam nel tan. Macaay innek, YALLI ellecabol umaanek kalalu neh akkele. Sinam duma nel bahte umaaneh aftok neh amqele. Ditek iful nee ayyaaqele. Nee cateleeh, kay cato geenno.

Cabakkuk 1:3

Edde an gadaamak tibba macah yok inta? Table umaanek abalih tibba mannal inta? Sinam dirkisaanam kee baatiy takkehiyya kulli'kkel able. Qeebi kee qaduwwi baaxo duudeh.

Xafanya 2:1

Nabi iyyeemih, «Kee wacarriye waa maraw, maabinaay, cissi geyaay, Yallal uduura.

Xafanya 3:13

Israayil ummatak saaboh raaqe mari tahaysa sahdal umam mabaaha. Diraabat mayaabaanaay, sahda maduquurusan. Yakmeeniih yaaqubeenim ken mawaysiisa. Ken xagtam matanaay, numuk mameysitan» 'yaanam iyya.

Xafanya 3:15

Aysa siinil tan digaala YALLI siinik kalla hee; naqboytit siinik kalla hee. YALLI sin amoyta kinni; Israayil ummat waklisa. Ahaysa akak cunxittaanam matan; sin fanat maraqta.

Xafanya 3:17

YALLAY ku Dagelta kinni ko'lih yaniih, koo waklisa. Yallih cayla nasri geetton. YALLI sin assakootele. YALLI siinih le kacanuh, qusba manoh xiine liton. Ummat qiidit tassa elle intaah, wallitak ruffa elle inta'nnal, YALLI siinih le kacanuh, qililisak, tassa axcele. YALLI siinik iyyaamahaa: «Aysa baati sin mageyta; ahaysa qaybik maraddan.

Zakariyya 2:5

YALLI isih, girak bicsen gasoh innah, tet dacriseleemih xagana culeeh, isi nabna luk tet addal anele› » iyye.

Zakariyya 9:9

YALLI iyyeemih, «Siyon maraw, afracuk ifrica! Yarusalaam maraw, qililisa! Sin malik sin fanah yamaateh yanik wagita! Sin malik qadaalat leeh; nasri luk yamaateh yan. Takkay immay qunxa num tikka 'yeh dananal gaceh yamaateh yan; oklô-baxih amol gacca 'yeh yamaateh yan.