Xafanya 3:20 - NABUWWA KEE MALIKWA

²⁰ Sin maray fixixih yani le baaxo edde yaduure wakti, maxeeriiy, ahaysa xayih. Meqe manoh sin gacseyyo. Toh edde yakku waa wakti isin 'sinni intit abletton. Migaq akak yaabben maray, faylisaana sin abeyyo. Baadal inkih sin aabbelon. Tah intaah, tahamat yabtam, yoo YALLAY sin Dageltah tan» 'yaanam iyye Meqe Goyta.

Xafanya 3:20 ပူးပေါင်းရင်းမြစ်များ

Yasaqya 56:5

addunyal xaylo siinik raqtaamak fula, sin migaq yi qarih addal sahda kassitak sugeleeh, yi marih addal migaq akak hawwensime waa mara akkettoonuuh, migaq siinik mahawwensima› 'yaanam iyya.

Yasaqya 56:8

YALLI Israayilik fixixeh suge mara ittah gacsa. Kaay Mulki le iyyeemih, «Kaadu gersi maray keenit yangalu waahiyya baaheyyo» 'yaanamah xagna cule.

Yasaqya 60:15

Koo maaqileenih koo yinqibeenih sugeenih, dibuukuyitteh abur tekkeh sugte'mmay, kaxxa magaalay qaxmeqe koo abeyyo. Kulli way farci elle yan magaala koo abeyyo.

Yasaqya 61:9

Baadal tan ummattah addal, migaq le mara akkelon. Ken yable mari YALLIH barkat gee mara kinnoonum keenik aaxigelon.

Yasaqya 62:12

Too mari migaaqah, «Yallih ummattay *taahirik tani» deqsitelon. Tonnah kaadu, «YALLI wade ummatta» deqsitelon. Siyon-magaala, «Yalli faxa magaala» deqsiteleeh, «Yalli ahak sarra cabe sinni magaala» deqsitele.

Yasaqya 66:22

«Qusba qaran kee baaxoy away abu waahiyya yi foocal digga luk elle tani'nnal, sin migaq kee siinik radu waa mari yi foocal digga baahele.

Ermiyaas 23:3

«Inni maray baatik saaboh raaqehiyya away fixixih elle abbixe baaxok gacseyyooh, elle yooboken baaxo fan ken gacseyyo. Ken gacsek lakal, isinni baaxol mango xaylo xaleloonuuh andarrelon.

Ermiyaas 30:3

Macaay intek, Israayil kee Yuudâ-maray yi mara kinnihiyya ken baaxoh edde gacisu waa ayroora amaatele. Ken kaxxa abbobtih ikoytah ecee baaxo fanah ken gacseyyooh; ken baaxo keenih gacseyyo. Tahat yabtam yoo YALLA› 'yaanam kaak iyye.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Yacedkel 16:53

Yalli iyyeemih, «Sodom kee tet dariifal tan gaandoodiiy Samaariya kee tet dariifal tan gaandoodit barkat hayu waa ayro, Yarusalaamey, kot kaadu barkat heeyyo.

Yacedkel 28:25

YALLAY Mulki lehiyya iyyeemih, «Israayil ummat fixixih elle abbixe baaxooxak gacseyyo. Addal keenik anu waa waqdi, woo baaxooxah mara Kudduus kinniyom aybulleeyyo. Israayil mari isi baaxoy anu yi naqasuh yan Yaqkuubuh eceehiyya fan aduurelon.

Yacedkel 34:16

«Baatem innih gorriseyyo; buxak baditit tanim innih gacseyyo. Muddumtem innih dayliseyyo; lakmissam innih qaffoyseyyo. Takkay immay gabul leeh qande lem bayseyyo. Macaay inteenik, anu qadlih aninnaanim aba loyna kinniyo.

Yacedkel 37:12

Tonna'mmay Israayil marah takku waytaamat yaabaay, keenik intaamah: YALLAY Mulki lehiyya siinik iyyaamah, ‹Yi maraw, kabri siinik fakkaay eyyeqqa sin heeh, sin baaxo sin gacseyyo.

Yacedkel 37:21

Sarrak keenik intaamah: YALLAY Mulki lehiyya iyyaamah, ‹Israayil mara elle gexen baaxok bahha heeh, tittal ken kobxissa heeh ken baaxo ken gacseyyo.

Yacedkel 39:13

Woo baaxol enna 'ya mari woo raysa aaguqelon. Oson toh abeenimih sabbatah, yi nabna ayballayu waa ayrot, oson migaq geelon. Tahat yabtam yoo YALLAY Mulki lehiyya» iyye.

Yacedkel 39:28

Too waqdi yi mari anu YALLAAY; ken Dagelta yoo kinnim aaxigelon. Ah elle yaaxigoonu waanam, duma innih seewah ken ruubeeh a saaku wadir gaabossa ken heeh, num keenik cabe'kal, inkih ken rasu ken gacsaamal yok aaxigelon.

Ayyuqel 3:1

YALLI iyyaamah, «Too ayroorah addat, Israayil kee Yuudâ marah luk sugen gaddaliino gacseyyo.

Qaamus 9:14

Israayiliy yi ummat kinnihiyya le baaxoh gacseyyo. Tiddigille magaalooliy abur tekke wadir xiseloonuuh; addal dabaaqah akak gacelon. Qinab aysubukeloonuuh, qinabak bicsen kamri attaaqabbelon. Mango coox aysubukeloonuh xaylo akak akmelon.

Miika 2:12

YALLI iyyeemih, «Israayil maraw, baatik raaqu waa mara inki ikkel gaaboyseyyo. Bar gasoh orbisan saqih innah tittal sin gacseyyo. Mangah, baaxol rob yan saaku mango qayso elle tooboke ikkel yaloole illih innah, gacetton» iyye.

Miika 4:7

A mari aymiteeh, buxak yexxeere marah yaniini'mmay, meqe bica keenit abeyyo. Too mari kaxxa doolat akkele. Siyon Qaleh amol too ayrok wadir anu innih ummaan waqdi keenil ackumeyyo.

Xafanya 2:7

Yuudâ-marak qeebik saaboh raqtem baaxo siinik raaqiseleeh, raaqisen baaxo saqi dabaaqah haysitelon. Askalon magaalal raqte qarwa, saqi loynitte xintimah haysitele. YALLAY ken Dagelta kinni luk sugen meqe mano keenih gacseleeh, ken qaxat gacele» iyye.

Xafanya 3:19

Xukko siinit abe mara, edde digaala uddur xayih; maxeeriiy, ahaysa xayih. Kos iyya maray boola le edde wadu waa uddur xayih; maxeeriiy, ahaysa xayih. Fixixiseh suge mara le baaxo fanah gacseyyo. Sinam keenit abta qaybik, nagay ken saytunuseyyooh kaxxa mara ken abeyyo. Qaybi yibbixe baaxooxal, migaq akak yaabben maray faylisaana ken abeyyo. Tohum edde abu waa wakti, maxeeriiy, ahaysa xayih.

Zakariyya 8:13

Yuuda kee Israayil maraw, duma yan saaku allî-baaxoh mari titta abaara waqdi, ‹Yuuda kee Israayil tibbixe bala sin tabbaxay› 'yaanam tittak axcuk sugen. Takkay immay a saaku tohuk sin cateyyo. Toh axcuk suge mari, ‹Yalli Yuuda kee Israayilit hee barkat siinit haay› akak inxicca iyyan barkat siinit heeyyo. Tonna kinnuk agiira takkeeniih meysi cabtaanam siinil tan» iyye.

Zakariyya 8:8

Yarusalaamal ken nookiseyyo. Yi mara akkeloonuuh, anu amo keenik wagta Dagelta keenih akkeyyo. Qadaalat leeh, digga le xintoh ken xiiniseyyo.

Malaaki 3:12

Toh yabalu waa maray kulli baaxol yanihiyya, ‹A mari ruffa ye mara, oson elle yanin baaxo meqe baaxoy dabaaqah elle gaceh meqe› 'yaanam axcelon. Tah intam yoo YALLAY Nabaamak Nabahiyya» 'yaanam iyye.