Xafanya 3:19 - NABUWWA KEE MALIKWA

¹⁹ Xukko siinit abe mara, edde digaala uddur xayih; maxeeriiy, ahaysa xayih. Kos iyya maray boola le edde wadu waa uddur xayih; maxeeriiy, ahaysa xayih. Fixixiseh suge mara le baaxo fanah gacseyyo. Sinam keenit abta qaybik, nagay ken saytunuseyyooh kaxxa mara ken abeyyo. Qaybi yibbixe baaxooxal, migaq akak yaabben maray faylisaana ken abeyyo. Tohum edde abu waa wakti, maxeeriiy, ahaysa xayih.

Xafanya 3:19 ပူးပေါင်းရင်းမြစ်များ

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Yasaqya 33:1

Sinam baysew, woyyow kot takku waytaamow! Ku baati tekkeh masuginna'mmay ahaysa akkele. Sinam ganak sugte'mmay, koo gana mari masuginna. Takkay immay sinam edde ganak ten wakti gaba kalla heeh, sinam koo edde ganta wakti amaateleeh, sinam edde bayisak ten wakti gaba kalla haa waqdi, baati kot akkele.

Yasaqya 60:14

Kot xukkutak yen marih xaylo amaatele; koo yassakaxxeeni'gidih gommoh koh radelon. Duma koo bursutak yen mari ku ibih gubat radeh, ‹YALLIH magaalay! Siyon magaalay! Israayil doore Dageltay *Kudduusuk yanihiyyah magaalay› 'yaanam axcuk koo diyaarelon.

Yasaqya 60:18

Umaane sinaamat abaanam gaba kalele; umaane ahaysa rasu kok mabayissa. Yi wadoot reebu koh akkeleeh; kaxxam yoo faylisetto.

Yasaqya 61:7

Ahaysa wacarriy kee qaybik-radiyyak assaaqetton; luk sugten gaddal namma afah yaduure gadda geettoonuuh, qililisetton. Tonnal isinni baaxol assamaaqat xiinetton; amurruqe sinni rufto geetton.

Ermiyaas 30:16

«Takkay immay ahak wadir sin baatit suge mari inkih bayeleeh, sin seewah bee mari inkih seewah gexele. Sin wararak suge mara warareloonuuh; sin buubak suge marat buuba akkele.

Ermiyaas 30:19

Wokkel yan mari Yallah candu gacseleeh farcih qililiselon. Anu keenit hayu waa barkatah andarrelon; yi barkatah sahda tassakaxxe mara akkelon.

Ermiyaas 31:8

Kilbat le kabuk ken baaheyyo; baaxô-maggaraqak ken gaaboyseyyo. Inti-maleela kee iba-maleelaay, xalay edde xayyoowe agabu kee xalaayal lacawat yan agbih agantah amaatelon. Manguk andabbelon.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Ermiyaas 46:28

Anu sin lih ani'mmay mameysitina. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Yacedkel 16:27

«Tonna leemiik koo digaaluuy, ku baaxoy barkat lehiyya koo waysiisuh ugteh en. Koo niqba *Filistiin maray atu abtah tan umâ-yabuli xiqe waahiyyah gabal koo hee.

Yacedkel 16:57

Abte umaane kok qaddowtaamak dumal, keenil asaaluk sugte. A saaku atu kaadu miduh elle yasuulen sahdaytó tekke. Edom kee Filistiin mari elle yasuulem koo. Ku deraafil yan mari koo bursuta.

Yacedkel 34:16

«Baatem innih gorriseyyo; buxak baditit tanim innih gacseyyo. Muddumtem innih dayliseyyo; lakmissam innih qaffoyseyyo. Takkay immay gabul leeh qande lem bayseyyo. Macaay inteenik, anu qadlih aninnaanim aba loyna kinniyo.

Yacedkel 39:13

Woo baaxol enna 'ya mari woo raysa aaguqelon. Oson toh abeenimih sabbatah, yi nabna ayballayu waa ayrot, oson migaq geelon. Tahat yabtam yoo YALLAY Mulki lehiyya» iyye.

Yacedkel 39:26

Anu taahirik yan Dagelta kinniyom sahda aybulle'gidih, inni mara naqboytit lih elle yanin aracak ayyaaqeyyo. Ahak sarra isinni baaxoy num ken elle meysiise waahiyya uduurra 'yeenih amaanah xiinoonu waan saaku, duma yok yexxeereenim kassa haan waqdi wacarriyelon.

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.

Xafanya 3:15

Aysa siinil tan digaala YALLI siinik kalla hee; naqboytit siinik kalla hee. YALLI sin amoyta kinni; Israayil ummat waklisa. Ahaysa akak cunxittaanam matan; sin fanat maraqta.

Zakariyya 8:23

Too saaku Yahuuduh aabuke wee marak tabna num, Yahuuduh yooboke marak numuk teenal amma 'yeenih, ‹Yalli sin lih yani 'yaanam noobbeeh; tohuk gexxaamah sin lih gacnam fanxa› siinik axcelon» iyye.

Makaabon 1:7

Sarrak Adoonibedek iyyeemih, «Malcina tabanih malikiy iba kee gabak kaxxa-gili akak kalehiyya anu maaqo elle akme miizih gubal yok radda maaqoh buluula onkoysak akamuk yeneeni'mmay; anu keenil baahem a saaku Yalli yok gacseh yan» 'yaanam iyye. Sarrak woo num Yarusalaam magaala fan beeniih; tokkel rabe.