Xafanya 3:15 - NABUWWA KEE MALIKWA

¹⁵ Aysa siinil tan digaala YALLI siinik kalla hee; naqboytit siinik kalla hee. YALLI sin amoyta kinni; Israayil ummat waklisa. Ahaysa akak cunxittaanam matan; sin fanat maraqta.

Xafanya 3:15 ပူးပေါင်းရင်းမြစ်များ

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 35:10

YALLI wade mari Siyon fanah aduurele; Siyon fanah qililisak africuk aduurelon. Too saaku aben farcatah kulli waqdi africelon. Cisab kee nadaama mayablan.

Yasaqya 51:22

Sin Dagelti isi marih qaxat gaca. Tonnal KAAY malikih yani siinik iyyaamah, «Enneeqebbe saaku siinih ecee kobbaaya siinik beeyyo. Ahaysa lagaq sin hayta kobbaayat mataaquban.

Yasaqya 52:9

YALLI isi magaala umaanek wadeh yaniih, isi ummattat niya heeh yanik, Yarusalaam magaalay abuuruh sugtek, away satta le gaditte ab.

Yasaqya 54:14

Cakkik tan maqaane xinto kok akkele; xukko kee cunxok amaan akketto.

Yasaqya 60:18

Umaane sinaamat abaanam gaba kalele; umaane ahaysa rasu kok mabayissa. Yi wadoot reebu koh akkeleeh; kaxxam yoo faylisetto.

Yasaqya 65:19

Yarsalaam akcine liyo; inni marat ruffa axceyyo. Tahaysa weeqi mayakka; tet addal booge matakka; matantabbaay num mayabba.

Ermiyaas 8:19

Inkih tan baaxol inni marak weeqa aabbek, ankacca haay! ‹YALLI Siyoonul mayana'nnaa?› iyyan. ‹Siyon malik Siyoonul mayana'nnaa?› 'yaanam axcih ken aabbe. Ken malikiy YALLA kinni tohuk iyyaamah; ‹Hebeltoh im xiqe sinni duyyeeyay sinam aqbudih tubleenihiyya taqbudeenim bahten. Tohuk gexxaamah yot naqabu culussen› 'yaanam axcih kaa aabbe.

Yacedkel 35:10

« ‹Yuuda kee Israayil baaxo yiimiiy; oson kaadu, ikoytah lino mara› inteenih; yooy YALLA kinnihiyya elle yen baaxo isinnih haysittaanam faxxen.

Yacedkel 36:15

Tahak wadir a baaxo ummat makot mabeytaay; sahda anqaasah elle rabtaah, ummat burah af elle raqeeqissa baaxo matakka. Tahat yabtam yoo YALLAY Mulki lehiyya» iyye.

Yacedkel 39:29

Israayil marat inni Roocaaniyya heeyyo. Tahak wadir darre keenit macaba. Tahat yabtam yoo YALLAY Mulki lehiyya» iyye.

Yacedkel 48:35

Inkih tan magaalah gaso affara tattabak xexxaarah sagla alfih mitri akkele. Ta magaalah migaq tahak wadir ‹YALLI-akkel-yani› deqsitele» 'yaanam iyye Yalli.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Qaamus 9:15

Israayiliy yi ummatah tanihiyya dumaak ikoytah keenih ecee baaxo gacissa ken heeh, dabaaqah ken elle daabiseyyo. Tohuk wadir tokkek mayarraanaay elle anelon. Tahat yabtam yoo YALLAY sin Dageltah yani» 'yaanam iyya.

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.

Cabakkuk 2:17

Lubnaan rasul sugte garbo tirgiqeenih immay a saaku sin argiqelon. Too garbol sugte alluwwa qiddeenimih sabbatah, a saaku alluwwa sin meysiisele. Tah inkih siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Cabakkuk 2:8

Mango baaxoh mara buubteeniih, mango baaxoh mara qidden. A saaku too marak saaboh raaqe mari sin buubele. Tah siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Xafanya 3:17

YALLAY ku Dagelta kinni ko'lih yaniih, koo waklisa. Yallih cayla nasri geetton. YALLI sin assakootele. YALLI siinih le kacanuh, qusba manoh xiine liton. Ummat qiidit tassa elle intaah, wallitak ruffa elle inta'nnal, YALLI siinih le kacanuh, qililisak, tassa axcele. YALLI siinik iyyaamahaa: «Aysa baati sin mageyta; ahaysa qaybik maraddan.

Xafanya 3:5

YALLI Yarusalaamak addal yanih immay, gitah taniimik sa makot tanim aba Dagelta hinna. Maaci maacisek wadir kulli saaku isi ummatah qadaalat lem abaah; tohu'mmay cakki gitak yexxeere mari uma taamah abittok maraaqaanaay, aban umaanek mawacarriyan» iyye.

Zakariyya 12:3

Too ayro Yarusalaam kaxxam qilsa le xaa abeyyo. Too xaa ugsa'gidih yamaatu waa mari biyaakitele. Kulli baaxoh mari teetit qeebi aba'gidih titta geyya heeh amaatele.

Zakariyya 14:11

Yarusalaam magaala tahak wadir mabaataay; ummat tet addal amaanah xiinele.

Zakariyya 9:9

YALLI iyyeemih, «Siyon maraw, afracuk ifrica! Yarusalaam maraw, qililisa! Sin malik sin fanah yamaateh yanik wagita! Sin malik qadaalat leeh; nasri luk yamaateh yan. Takkay immay qunxa num tikka 'yeh dananal gaceh yamaateh yan; oklô-baxih amol gacca 'yeh yamaateh yan.