Xafanya 3:13 - NABUWWA KEE MALIKWA

¹³ Israayil ummatak saaboh raaqe mari tahaysa sahdal umam mabaaha. Diraabat mayaabaanaay, sahda maduquurusan. Yakmeeniih yaaqubeenim ken mawaysiisa. Ken xagtam matanaay, numuk mameysitan» 'yaanam iyya.

Xafanya 3:13 ပူးပေါင်းရင်းမြစ်များ

2 Aydaad 20:30

Tohuk gexxaamah Yacoosafat isi baaxol amaanah ackumuk yeneeh; Yalli kulli kabuk kay baaxo amaan abe.

Yasaqya 17:2

Qarooqeril tan magaalooli abur akkeleeh; illi kee laa elle taloole baaxo akkele. Woo illi kee laa wokkek num maxiiriya.

Yasaqya 35:8

«Taahirik yan gita» deqsita giti too baaxol awqele. Taahirik ane sinni mari gitah wokkek magaca. Woo gita gactu waytam, woo gitih mara. Too gita gaca maraay tu-iggimaane le marah agantah mabadisa.

Yasaqya 54:14

Cakkik tan maqaane xinto kok akkele; xukko kee cunxok amaan akketto.

Yasaqya 6:13

Baaxô-bagul bool yakke marak tabna num raqtaamah, naqboytit qagitak baaxo warareleeh, baaxot gira ruubelon. Takkay immay yirgiqen caxak buxux elle raaqe'nnal, taahirik yan dariyyuy sarra yaabuku waa raaqele» yok iyye.

Yasaqya 60:21

Ummatta cakkik-tan-taamah taamitele; baaxo kulli way kenim akkele. Liyoh an qax-maqaane keenil elle tambulle'gidih, ken bicisseeh ken daabissem yoo.

Yasaqya 63:8

YALLI, «Oson yi maraay; yi xayloy yoo make wayta kinnon» iyyeeh, tonna leemiik ken wadeena yekke.

Yasaqya 65:10

Yol xayyoowam faxa marah, ‹Gadaama› deqsitta golo lac nookisa arac akkele. Saron migaaqah le booxa saq yaloole arac akkele» 'yaanam axcuk YALLI yaabe.

Ermiyaas 23:4

Amo keenik meqe'nnah wagittu wayta abbobti keenih heeyyo. Yi mari ahaysa cunxoh marabaay, ‹Maca net akkeleh?› did m'iyyaanaay, fixixih magexan. Ahat yabtam yoo YALLA» 'yaanam iyye.

Ermiyaas 30:10

«Tonna kinnuk, Yaqkuub xayloy yi naqoosay, mameysitinay; Israayil ummatey, niya siinik addigille waytay. Tahat yabtam yoo YALLA. Ama xer baaxoy elle taniinik sin ayyaaqeyyo. Casbi gurrah elle tanin baaxok siinik radu waa mara ayyaaqeyyo. Isinni baaxo fan aduurettoonuuh amaanah xiinetton. Num sin maxagaay sin mameysiisa.

Ermiyaas 31:33

Tamaatu wayta ayroorat Israayil mara lih haysitu waa qahdi ah kaana. Inni xinto bagut keenik haak, afqadol keenik aktubeyyo. Anu ken Dageltah aniyooh, oson kaadu yi mara akkelon.

Yacedkel 39:26

Anu taahirik yan Dagelta kinniyom sahda aybulle'gidih, inni mara naqboytit lih elle yanin aracak ayyaaqeyyo. Ahak sarra isinni baaxoy num ken elle meysiise waahiyya uduurra 'yeenih amaanah xiinoonu waan saaku, duma yok yexxeereenim kassa haan waqdi wacarriyelon.

Ayyuqel 3:17

«Too saaku Israayil maraw, anu YALLAY sin Dageltah yani kinniyom yoh aaxigetton. Anu elle anim, Siyon qaley taahirik tani kinnim aaxigetton. Yarusalaam taahirik tan magaala akkeleeh; afak temeete qaskarih gabat maradda.

Miika 4:4

Kulli num isi buqre kee isi bustaanih garil amaanah xiineleeh; akak meysitaanam matan. Tah abtu waytaamih xagana cultem, YALLAY Nabaamak Nabahiyya.

Miika 4:7

A mari aymiteeh, buxak yexxeere marah yaniini'mmay, meqe bica keenit abeyyo. Too mari kaxxa doolat akkele. Siyon Qaleh amol too ayrok wadir anu innih ummaan waqdi keenil ackumeyyo.

Miika 7:14

Ummat inteemih, «YALLAW, saqi-loynah innal, isi mara dacris. Isi maray isih doorittehiyya dacris. Nanu elle nanim garboh tan baaxo'mmay niqmatak tan baaxo dariifal nek tan. Dumî-dabaanal akah abak sugne innah, Basan kee Gilqad rasuy niqmatak yanihiyya fan genxeh caynay nee inxic.

Xafanya 2:7

Yuudâ-marak qeebik saaboh raqtem baaxo siinik raaqiseleeh, raaqisen baaxo saqi dabaaqah haysitelon. Askalon magaalal raqte qarwa, saqi loynitte xintimah haysitele. YALLAY ken Dagelta kinni luk sugen meqe mano keenih gacseleeh, ken qaxat gacele» iyye.

Xafanya 3:5

YALLI Yarusalaamak addal yanih immay, gitah taniimik sa makot tanim aba Dagelta hinna. Maaci maacisek wadir kulli saaku isi ummatah qadaalat lem abaah; tohu'mmay cakki gitak yexxeere mari uma taamah abittok maraaqaanaay, aban umaanek mawacarriyan» iyye.

Zakariyya 8:12

Awayî-mari isi buqre amaanah abqurele. Qinab coox mango xaylo keenih xalele; baaxol mango daro keenih aabukeleeh, qaraanak rob radele. Ahaysa yi marak raqte saaboh too niqmat aceeyyo.

Zakariyya 8:16

Tonna'mmay isin abeh meqeemiy siinil tanihiyya siinih warisu waa. Numma titta lih yaaba. Cokmi aracal amaanah sitta xiinissaana'gidih qadaalatat uckuma.

Zakariyya 8:3

Yarusalaam yi magaalay taahirik taniiy; ahaysa kalbi tet fan gacseyyo. Innih teetil gaceyyo. Ahaysa Yarusalaam Imaan-Yallal-le-Magaala deqsitele. Anu YALLAY Nabaamak Naba; yi qale taahirik tan qale akkele.