Xafanya 3:1 - NABUWWA KEE MALIKWA

¹ Xafanya iyyeemih, «Yarusalaam magaala yabti cina leeh, tutlukeeh, isi ummatat xukkuttah immay baati teetit akkele!

Xafanya 3:1 ပူးပေါင်းရင်းမြစ်များ

Yasaqya 30:12

Isin toh inteenik, Israayil doore Dageltay *Kudduusuk yani siinik iyyamaa, «Anu sin lih yaabe yab cinna hayteenih duquurusiyyal yeemeneh, ayrisiyyal kibaal haa mara takkeenim siinih teysek,

Yasaqya 5:7

Hay, YALLAY Nabaamak Naba yuysubuke qinab caxa kinnim Israayilik xaylo. YALLI yuysubuke cooxuy, ruffu edde haak yene kinnim Yuudah yoobokeh yan mara. YALLI, meqem aba mara yakkeenim keenik faxak yen. Takkay immay woh makkinnon; sahda qida mara yekken. Cakkik tanim aba mara, yakkeenim keenik faxak yen. Takkay immay woh makkinnon; amot akak gacan mari, «Qadaalat waynah nan» iyyan.

Yasaqya 59:13

Kooy ni Dagelta kinnihiyyal makneeh, koo kataye cinneeh kok nexxeere. Sahdat elle xukkutan inna malisnaah; edde nacsubem, hoxaay; edde yabnam, diraaba. Tah inkih abne» 'yaanam iyyan.

Ermiyaas 22:17

koh tu gactek, liyom yoo duddah iyya num hinnitooy, marin im dulmih beytaah, dambi-maleelâ-qabal foyyah caxxa. Isi mara tadlumeeh, keenit xukkuttaah, ken biyaktah.

Ermiyaas 5:23

Isin yab aabbe sinni mara tekken. Yoo cabteeniih, cakki gitak tewqeenih.

Ermiyaas 6:6

YALLAY Nabaamak Nabahiyya a malikwa amriseeh; Malikwak, «Coox irgiqay Yarusalaam-magaalat maroh tan gaso taggileeni'gidih, too gasot xakabuh coox kee xeet tittin bagul haa. A magaalah addal sinaamat mango xukko tekkeeh, tohuk gexxaamah tet digaaleyyo» iyye.

Ermiyaas 6:7

«Dori leek yamagge waqdi afak akah caxa'nnah, Israayil mari aba umaane emegga 'teh caddo cabteh caddok taturteh. Aban umaane kee baatiy sinaamat abaanahiyyah anay yol rada. Lakmisa mara kee mudduume mari yoh yambulle.

Yacedkel 22:29

Baaxol yan mari kaadu, sahda duquurusakaay duyye keenik buuba. Masaakiina kee tu maleelat xukkutaanah. Allî-baaxoh maray addal keenik yanihiyyah cakki mayaaxigan.

Yacedkel 22:7

Yarusalaamey, isi xaleena yassakaxxe num ku addal mayana. Marin baaxoh maray addal kok yani duquurussa. Gubun kee qayxiixa tadlume.

Yacedkel 23:30

Dalwa fayxi kee abteh tan xiiqareh xinto, amahah koo tecee. Kulli baaxoh mari tu edde faxa kacba tekkeeh; xeet kee cooxuk bicsen duyyeh qibaadat nadaasa is abte.

Qaamus 3:9

Qaamus qagseh, «Asdood magaalal tan kaxxa qarwah adda kee Masri rasul tan kaxxa qarwah addal yan marak, ‹Samaariyah xaqul yan qaleelal gaaboowa. Wokkel tan amaan-sinna kee ummat abta umaane wagita› inxicay awadah keenih warisa» iyye.

Qaamus 4:1

Qaamus kaadu qagseh iyyemii, «Gabâ-qaysoh yabbixen laahih innah arooduh gace Samaariyah rasul yan agabow, siinik axcem liyok ankacisa. Boola le maral umam bahtan. Masaakiinat xukkuttan. Gennaaqot sin tabbixe labhak, ‹Gexay kamri neh baaha› intan.

Miika 2:2

Marin buqreh baaxo isinnih faxxan waqdi, le marak bukkoh beytan. Marin qarwa faxxan waqdi bukkoh beytan. Sinaamat xukkutak, midir kee ikoyta caylah keenik beytan» iyye.

Zakariyya 7:10

Gubun kee xaleena akak rabte qayxiixaay, marin baaxoh maray sin addal yanii kee tu sinni masaakiinah emeqa. Isinnih kaadu umam tittah mamalsina› keenik exceh en.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.