Xafanya 2:11 - NABUWWA KEE MALIKWA

¹¹ YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Xafanya 2:11 ပူးပေါင်းရင်းမြစ်များ

Yasaqya 2:20

Too ayro dahab kee lakqok bicsen duyyey yalla 'yeenih aqbuduk sugeenihiyya baaxot qideloonuuh; woo duyye elle qiden arac gablâ-kimbir kee hantuuti-dabqi akkele.

Yasaqya 42:10

YALLA qusba faylah faylisa! Baadal yan maraw, fayla abaay YALLA saarisa. Badal safarat yan maraw, kaa saarisak candu kaah gacisa. Badak addal enna 'taamay rooci lehiyya candu YALLAH gacissay. Xer baaxo kee xer baaxoh maraw, YALLA faylisa.

Yasaqya 42:4

«Inkih yan baadal qadaalat nookisaah daabisam fanah, kay niya mataddigila; way madaacta, mabaxaqta. Allahî-mari kinni-way, kay afak tawqe baritto geyoonu qambaalitelon» iyye.

Yasaqya 49:1

Xer baaxol geytima maraw, allahî-baaxoh ayyuntaw, ayti yoh 'cuya, yoo oobbeya. Aabukeemik dumal elle, YALLI yoo dooreeh, yoo meexe; inâ-bagut elle suge way yoo muggaaqisak yoo doore.

Ermiyaas 10:11

Too duyye yaqbude marak intaanamah, «Isin taqbuden duyye qaran kee baaxo magininna. Tonna immay isih bayak maaciseleeh, baaxo bagul maraagta» keenik inxica.

Ermiyaas 46:25

YALLI kaadu iyyeemih, «Yoo YALLAY Nabaamak Nabah, Israayil doore Dagelta kinnihiyya axcemii: Amon deqsittaamay yalla akak iyyaanaah Teebes deqsita aracal yaqbudeenihiyya digaaleyyo. Masri mara kee Masri mari yallah le duyye digaaleyyo. Masri malik kee kaal yaamine mara beyya heeh,

Daaniyel 11:18

Tohuk lakal baddaafal tan baaxooxal yan marat qeebi abeleeh, mango marak keenik aysele. Takkay immay aki baaxok yemeete makaabanti kaak ayseleeh; luk suge kaxxiinat kaa macaba. Too num sinaamat abak suge kaxxiinak gexxaamah, sinam kaal akah kaxxiinitta'nna kaak abele.

Hosiqa 2:17

Ahak wadir Baqal 'yaanamih galab xagi tet maha.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Xafanya 1:4

YALLI qagseh kaadu iyyeemih, «Yarusalaam mara kee Yuudâ kedoh ubukka 'ye mara digaaleyyo. A Baqal akak iyyan duyyey qibaada akah abaanahiyya raat cabsiiseyyo. Baqal qibaada elle aban aroocal Baqal yaqbude mari seekah le mara kee yot darre cabte seeka raat cabsiiseyyo.

Xafanya 3:9

«Tohuk wadir baadal tan ummatak afkan korseyyo. Deedaltaamay yalla axcuk yaqbudeenihiyya cabba heenih yol aduureloonuuh, yoo dibuk aqbudelon. Dooqa aban way, ‹YALLAW› axcuk yoo kallacelon. Tikka 'yaanamaak yi amri oggolelon.

Zakariyya 13:2

«Too ayro Yalla axcuk aqbuduk sugen duyyey xeet kee cooxuk bicseenihiyyah migooqa baaxok bayseyyo. Tohuk wadir too duyye num kassitak maraaqa. ‹Nabi kinniyo› iyya mara bayseyyooh; nadaasak tan roocaaniyyay ken yaabissahiyya baaxok ayyaaqeyyo.

Zakariyya 2:11

Toh takku wayta saaku baadal tan ummat yoo YALLAL aduureleeh, yi mara akkelon. Anu kaadu sin lih aneyyo» iyye. Isin YALLAY Nabaamak Nabahiyya sin fanah yoo ruubem too saaku aaxigetton.

Zakariyya 8:20

YALLAY Nabaamak Nabahiyya iyyeemih, «Mango mari mango magaalak Yarusalaam fan edde yamaatu waa wakti xayyooweh.

Zakariyya 8:23

Too saaku Yahuuduh aabuke wee marak tabna num, Yahuuduh yooboke marak numuk teenal amma 'yeenih, ‹Yalli sin lih yani 'yaanam noobbeeh; tohuk gexxaamah sin lih gacnam fanxa› siinik axcelon» iyye.

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.

Malaaki 1:14

Yi sadgatah yaguude nagay yan lac allih, ‹Too lac sadgatah aceeyyo› axcuk, xagana yoh culek sarra, ayma le saq baahaah yoo duquurusam yakkale numul yi abaaro oobele. Addunyâ-malik yooy; baadal tan ummat inkih yok meysitta. Tah intam yoo YALLAY Nabaamak Nabahiyya» iyye.