Xafanya 1:7 - NABUWWA KEE MALIKWA

⁷ Mulki le YALLIH cokmih ayro xayih immay kay foocal tibba 'xica. YALLI too ayroh masgaada bicseeh, Yuudâ mara buubu waa marah seeco abeh.

Xafanya 1:7 ပူးပေါင်းရင်းမြစ်များ

Yasaqya 13:3

Anu innih, yi bagcarra yaybulleeni'gidih, celeemah tan yi qaskaray yi taamah doorehiyyah seece. Oson yi iisa yafrice mara kinnon» iyye.

Yasaqya 13:6

YALLIH ayro amaatelek, boogisa! Qande le Dagelti baati edde baahu waa ayro xayih.

Yasaqya 2:12

Macaay inteenik, YALLAY Nabaamak Nabahiyya ayro le. Too ayrot qande leemiiy kaxxiina kee qubbuy intam inkih wacarroysele.

Yasaqya 29:2

isin faxe qiid abtaanamah, Yalli, «Anu a magaala biyaakiseyyo» 'yaanam iyyah yan. «Yarusalaam boogiseleh, rookitele. Sadgat elle aban aracal qabal elle caxita innah, magaalal qabal caxitele.

Yasaqya 34:5

YALLIH seef qaraanal tanim baysek lakal, Edom maray baati elle amrisehiyya too seefit bayele.

Yasaqya 34:6

Sadgatah qidan saqa edde yasguuden gilel, qabala kee xayti elle raaqa gurrah, YALLI a mara edde qidu waa seefih bagul, qabal kee xaytak mangom raaqele. Macaay inteenik, YALLI Bosrâ-magaalal sadgatah ken qideleeh; Edom baaxol ken asguudeleeh, selele.

Yasaqya 6:5

Anu too waqdi exceemih, «Woyyow yi nabsow! YALLAY Nabaamak Nabaah malik kinnihiyya inni intih uble'mmay, edde yaabinnaan yab yok taahirik mayanay; addat akak anim, taahirik ane waa yab yaaba marih fanak tanih tanik, baati yot tekkeh tan» exce.

Ermiyaas 46:10

Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Yacedkel 7:10

«Israayil mari edde bayu waa wakti yemeeteh. Umam tittal baahaanam temeggeh. Sahda kaxxiinah qubbuy inta.

Yacedkel 7:7

A baaxol yan maraw, sinim tekkeh! Ahaysa qaleh amol yan makaamah abak tenen sadgat kee qiid siinik raaqeleeh; abtaanah absissaanam waagissa heetton.

Ayyuqel 1:15

YALLIH cokmih-ayro xayiih; woyyow, woo ayrot takku wayta baati! Nabna le Dagelti too saaku bala ruubele.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Qaamus 6:10

Rabe marah ramad le numuy magaq absiisahiyya ginaada qari addak yayyaaqu waa waqdi, woo qarih addal rabak saaboh raaqe numuk, ‹Kok sah rabak raqtem maay tan?› axcele. Esseren num, ‹Yok sah raqtem matan› kaak axcele. Too waqdi naharak essere num, ‹Wohoysa YALLIH migaq xagnam nel matanak, tibba 'xic› 'yaanam kaak axcele.

Qaamus 8:3

« ‹Yi cokmih ayro, malik qarih addal yakke saxxaq, weeqa keenil akkele. Mango marih ginaada kulli aracal qangalaylut raaqele. Raysitte kulli ikkel mamaxxaage sinnim qidimih sugele›. Tah intam YALLAY Mulki lehiyya.

Cabakkuk 2:20

YALLAH tu gactek, elle yanim taahirik yan qariy qaraanal yani. Addunyal enna 'ya mari kay foocal tibbi iyyoonay.

Xafanya 1:14

YALLIH cokmih ayroy kaxxa ayro kinnihiyyah mamaata nabam xayiih, too ayroh mamaata sissikih. Too ayro uma weeqa abeloonuh, cunxitelon. Kaxxa agiirinna luk sugte labhak kinni way qeebil af awqeleeh, waagiselon.

Zakariyya 14:1

YALLI cokmi edde abu waa ayro amaatelek ixiga. Too ayro Yarusalaam magaala buubelon. Siinik been duyye siinik foocal kurraasitelon.

Zakariyya 2:13

Ummatey, YALLI isi dabaaqay taahirik yanihiyyak yamaateh yanik, kay foocal tibba 'xica.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

1 Samuwel 16:5

Too waqdi usuk keenil gacseemih, «Anu akke akah emeetem nagaynaay; YALLAH sadgat aba'gidih emeete. Isin isinni taahirroysay wokke fan yo'lih gexa» keenik iyye. Kalah kaadu Yiisa kee kay xaylok kaadu «Isinni taahirroysay woo sadgat arac fan ama» iyye.

1 Samuwel 20:26

Too waqdi Saawul, Dawud akah amaate weem, taahirik ane wee kee tuk teena kaat tekke teeti 'yaanamah too saaku tu maxacco.