Xafanya 1:4 - NABUWWA KEE MALIKWA

⁴ YALLI qagseh kaadu iyyeemih, «Yarusalaam mara kee Yuudâ kedoh ubukka 'ye mara digaaleyyo. A Baqal akak iyyan duyyey qibaada akah abaanahiyya raat cabsiiseyyo. Baqal qibaada elle aban aroocal Baqal yaqbude mari seekah le mara kee yot darre cabte seeka raat cabsiiseyyo.

Xafanya 1:4 ပူးပေါင်းရင်းမြစ်များ

2 Malikwa 21:13

Samaariya kee Israayil-malikih yen Acab kee kay buxah mara akah digaale innah, anu sin kaadu digaaleyyo. Yarusalaam-magaala, teetil suge marak foyyah tet cabba heeyyo. Bagul sugtem akak duugeeniih deeriik afah korsen sacnih innah, foyyah tet cabba heeyyo.

2 Malikwa 23:12

Yuudâ-malikwa, Malik-Acad buxah amol hayteh sugte mansafittey xeet kee cooxuk bicsen duyyeh qibaada elle abak sugeenihiyya kaleh. Tonnah kaadu, Malik-Manasse qibaadah hee suge mansafittey YALLIH Qibaadah-Qarih namma daaratal sugtehiyya kaleh. Too mansafitte bututtukka heeh, riira keenik Kidroon deqsitta goloh addal qide.

2 Aydaad 34:4

Baqal akak iyyaanamay yaqbudeenihiyyah heenih sugen sadgatih arooca kee too aroocak garil sugte qaydarus elle qeerisan mansafwa, kay foocal, bayissaay bututtukka heen. Aseera deqsittaamay yaqbudeenihiyyah astah heenih sugen gurumuuda kee, wohuk kalah tan duyyeeyay xeet kee cooxuk bicseenihiyyay Yallih aftok aqbuduk sugeenihiyya bututtukkay riira abba heenik wadiril, woo duyyeh qibaadah sadgat abak suge marih kabril caxen.

Ermiyaas 15:6

Yoo cinteeniih; isinni uma taamat wadir tuduuren. Tonna leemiik gaba siinil qideh sin bayseyyo. Wadirih siinih xuwaawam maaba.

Ermiyaas 6:12

Oson dabaaqah edde sugen qarwa marah raaqele; ken buqre kee ginnaaqot luk sugen agbih agantah marin mari nagrele. Ken digaaleyyooh; yi gaba ablelon. Tah intam yoo YALLA.

Yacedkel 25:7

Tohih sabbatah sin buubu waah sin radu waa marih gabal sin heeyyo. Sarrah doolat akah akke waytaanaah, baaxo akah alle waytan innah, inkitanuuk sin bayseyyo. Anu YALLA kinniyom too saaku yok aaxigetton» iyye.

Yacedkel 6:14

Gaba keenil qideyyooh baaxo keenik bayseyyo. Gabbi-qaxat raqta bacarih tan baaxok xabba haanamaay Ribla deqsita aracay kilbat le kabut raaqahiyyah amma 'yaanam, abuuruh tan baaxoy num sinniih lac sinni abeyyo. Israayil mari elle yan baaxok tu macabay inkih bayseyyo. Ummat too waqdi anu YALLA kinniyom yoh aaxigelon» yok iyye.

Hosiqa 10:5

Samaariyal yan mari dahabak bicsen dahaltuy yaqbudeenihiyyay Beet-Awenil yanit takku waytaamak meysitak yanin. Keenik baysoonu waan saaku, rookitelon. Woo daheltih ceeloh baahan sadgat gabal akak acayuk sugen seeka, woo ceelo le nabna kasitak kaat tekke baatih boogisele.

Miika 5:13

«Xeet kee cooxuk bicsen duyyey taqbudeenihiyya siinik bayseyyo. Xeetik bicsen qamidway yaqbudeenihiyya siinik bayseyyo. Ahak wadir isinni gabak bicissen duyye mataqbudan.

Xafanya 2:11

YALLI akak cunxitan umaane keenil ruubele. Addunyal yan mari yallah le duyyeeya foyya keenik abele. Too waqdi kulli mari, elle aninnaan baaxol, YALLA aqbudele» iyye.

Xafanya 2:13

YALLI Assuuriyah ummat isi qandet baysele. Nanawe deqsitta magaala abur abbay bakarroyta cabele.