Xafanya 1:14 - NABUWWA KEE MALIKWA

¹⁴ YALLIH cokmih ayroy kaxxa ayro kinnihiyyah mamaata nabam xayiih, too ayroh mamaata sissikih. Too ayro uma weeqa abeloonuh, cunxitelon. Kaxxa agiirinna luk sugte labhak kinni way qeebil af awqeleeh, waagiselon.

Xafanya 1:14 ပူးပေါင်းရင်းမြစ်များ

Yasaqya 15:4

Cesbon kee Elqaale-mari weeqat yan. Oson aban weeqi Yahax fan yontoobbe. Qaskar agantah axaxitteeh, niya keenik tiddigille.

Yasaqya 33:7

Ama tableeniih gitittel kaxxa weeqah weqtam, kaxxa agiira. Amaan fanxa axcuk rubne mari edde yanim, kaxxa weeqa.

Yasaqya 66:6

Kee ummatey ankacisa! Woo magaalah addal taabben xongolo ankacisa! Yallih Qibaadah Qarih addak radda xongolo ankacisa! YALLIH xongoloy isi naqboytit edde digaala'gidih ruubehiyya ankacisa!

Yasaqya 8:22

baaxo fan addah wagga heelon. Too waqdi laqô-bar keenil radeleh; keenit takku wayta gadaama kee gibdaabina ablelon. Dite le aracay ableh umahiyyat gutuqak ken heelon.

Ermiyaas 25:36

Ankacca haay! Baaxoh abbobtih yan mari weeqat yan. YALLI baaxo keenik bayseh, booget yanin.

Ermiyaas 30:7

Kaxxam uma ayro amaatele. Too ayroh innah tan ayro way matamaata. Yaqkuubuk rade mari too ayro abam waagisele'mmay, tohuh rabak cattiimelon» iyye.

Ermiyaas 46:5

Takkay immay afak toh iyyaanamah, cunxoh wadir-wadir aduurih ken able. Qeebil gacah ken able; cunxoh kaxxam aawwih ken able. Quuruuk foocah yardeenimik sah, wadirih mawagtan.

Ermiyaas 48:41

Ken magaalooli kee megdebih lon arooca inkih antixibbixele. Too saaku Mooyab mari cunxoh, lacawat tan barrah inna assaallelon.

Yacedkel 12:23

Keenik intaamah: YALLAY Mulki lehiyya tohumuk iyyam, ah teeti. ‹Ahaysa ama yab gexak maraaqa› iyya. ‹Wakti xayyooweeh, akkele iyyeenim akkele› keenik inxic» yok iyye.

Yacedkel 30:3

Intaamah, ‹Umaane edde takke ayro xayih. YALLIH abto edde tamballayu wayta ayro xayih; baadal tan ummatta gadaama edde tabbaxu waytaah, qamburre baaxo edde buultu wayta ayro xayih.

Yacedkel 7:12

Wakti amah kaana; xayyooweh. Yi digaala kulli numul tamaatu waytaamih sabbatah, xaama num edde yafriceeh, yaylamme num edde qaada uddur akke waytam taaxigeenimi.

Yacedkel 7:16

Marak garab goloh addal suge kimbiiriy qale fan gilitahiyyah innah, qale fan kudele. Kulli num isih abe dambih nadaamitele.

Ayyuqel 1:15

YALLIH cokmih-ayro xayiih; woyyow, woo ayrot takku wayta baati! Nabna le Dagelti too saaku bala ruubele.

Ayyuqel 2:1

Baanta ugura. Taahirik tan Siyon Qaleh amook turumba kaayisa. Israayil ummatey, YALLIH cokmih-ayro xayih immay cunxita.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Ayyuqel 3:14

Loowo sinni mari Cokmi-Goloh addal yan. YALLIH cokmih ayroy xayihiyya elle takku waytam tokke.

Ayyuqel 3:16

YALLI Siyon qaleh amok lubak innah xongolele. Kay xongolo Yarusalaamak antaabbele. Qaran kee baaxo axaxitele. Too saaku YALLI isi ummat dacriseleeh; reebu keenih akkele.

Qaamus 8:2

Too waqdi YALLI yok iyyemii, ‹Maca table?› yok iyye. « ‹Kudaarak kibuk yan kafaq ableh an› 'yaanam exce. «Too waqdi yok iyyeemih: ‹Yi maray Israayilih yoobokehiyyah ellecabo gufteh. Tahaysa ken digaaleyyo ikkal, wadir akak maxca.

Xafanya 1:10

YALLI kaadu qagseh iyyeemih, «Too ayro Yarusalaam magaalak Kullum Afa deqsita aracal weeqa marih anay aabbetton. Yarusalaam magaalak qusbih bicsen aroocal boogisa marih anay aabbetton. Qarway taddigilleh anay Yarusalaam koomah amok aabbetton.

Xafanya 1:7

Mulki le YALLIH cokmih ayro xayih immay kay foocal tibba 'xica. YALLI too ayroh masgaada bicseeh, Yuudâ mara buubu waa marah seeco abeh.

Malaaki 4:5

«YALLIH ayroy sahda akak meysitta kaxxa ayro kinnihiyya tamaateemik naharal, anu nabi Eliyyas sin fan ruubeyyo.