Xafanya 1:10 - NABUWWA KEE MALIKWA

¹⁰ YALLI kaadu qagseh iyyeemih, «Too ayro Yarusalaam magaalak Kullum Afa deqsita aracal weeqa marih anay aabbetton. Yarusalaam magaalak qusbih bicsen aroocal boogisa marih anay aabbetton. Qarway taddigilleh anay Yarusalaam koomah amok aabbetton.

Xafanya 1:10 ပူးပေါင်းရင်းမြစ်များ

2 Samuwel 5:7

Dawuduh tu gactek, Siyon qalel sugte megdebwa keenik raaqiseeh; tohuk wadir migaaqah Dawud-Magaala deqsitte.

2 Samuwel 5:9

Megdebwa teetik yibbixeenik wadir, Dawud dabqah teetil gaceeh, «Dawud-Magaala» 'yaanam migaaqah teetih yeyyeeqen. Naharak ayrô-mawqa le kabut raqta baaxoy ramma luk sugte missoysak baahak, tet dariifal magaala xisen.

2 Malikwa 22:14

Cilkiyya kee Acikam kee Qakboruuy, Safan kee Qasaaya tikka 'yeenih, Culda deqsitta barray nabih tenehiyyay, Yarusalaam magaalak qusbih xisen exxal buxa luk tenehiyya fan gexeeniih, fayu esseren. Tet baqli Sallum deqsitak yeneeh; kay abbak migaaqah Tikwa axcuk yenen. Kay abbah abba Carcas deqsitak yen. Sallum Yallih Qibaadah-Qaril edde gacan sartanak amo wagitak yen. Too mari ta-nabih-tan-barra fan yemeeteeh; malik keenil ruube farmo teetih warsen.

2 Aydaad 3:1

Suleemanak abba Malik Dawud, Yallih Qibaadah-Qari elle xisoonu waan arac dumal elle bicseh suge. Too arac, Yarusalaam magaalal tan Mooriya deqsitta qalek ten. Too arac, tohuk dumal Ornan deqsita numuy Yabuusa deqsitta kedoh aabakuk yenehiyya, daro kee caffa tittak elle baxisak yen araca. Suleeman qari-xisne qimbise.

2 Aydaad 32:22

YALLI, Malik Ciskiyyaahu kee Yarusalaam mara, Assuuriyah malik kee gersi naqboytittek tonnal ken cate. Israayil ummatta ken cuggaaneh tan ummatta lih amaanah xiinise.

2 Aydaad 33:14

Tohuk lakal Manasse, Dawud-Magaalak irol ayrô-mawqa le kabut raqta baaxol goloh addal yan Gicoon buyyik xabba haanamaay Kullum-Culma deqsita arac kee, magaalak Qoofal deqsitta exxah deraafih amma 'yaanam tan baaxol sugte gasoosa yuqusbuuseeh; xexxaarah duma akah sugte innak fayya hee. Yuudâ-magaalooliy gasoosa maroh edde tanihiyyal inkih dacayrih qaskar-abbobti hee.

2 Aydaad 34:22

Cilkiyya kee too mari, malik keenik elle iyye'nnal, Culda deqsitta barray nabih tenehiyyay Yarusalaam magaalak qusbih xisen exxal buxa luk tenehiyya fan gexeeniih fayu esseren. Tet baqli Sallum deqsitak yeneeh, kay abbak migaaqah Tikwa axcuk yenen. Kay abbah abba Carcas deqsitak yen. Sallum Yallih Qibaadah-Qaril edde gacan sartanak amo wagitak yen. Too mari ta nabih tan barra fan yemeeteenih malik keenil ruube farmo teetih warsen.

Nacmiya 12:39

Tokkeek Efrayim-Afa deqsitta afa kee Yasaanah Afa deqsitta afaay, Kullum-Afa deqsitta afaay, sahda akak yabloonuh xisen Cananal-Qari deqsitta qari kee, sahda akak yabloonuh xisen Bool-Qari deqsita qaril taturra inneh, Illi Afa deqsitta afah nemeete. Ta gexoy rooruh gacca 'yeenih abak sugeenihiyyak, Dacayrih Marih Afa gufen waqdi yeeden.

Nacmiya 3:3

Hassana-gulubuh yooboke mari Kullum-Afa deqsitta afa xisen. Sarrak too culmah alifih edde haan coox kee woo alifik adda le kabuk tabtabbih haan coox kee birta akah bicsen.

Yasaqya 59:11

Ali innah garadnaah; camaamah innah iihisak nan. YALLAW, kol bahne dambik loowo mangoh. Tohih sabbatah qadaalat fanxa'mmay qadaalat mayanaay; nee wadda'gidih kok qamballa'mmay, tu geenih manan. Abne dambi nel sumaaqitaah; qellataay umaane ninnik diggi hayna.

Ermiyaas 39:2

Xidkiya malik edde yekke taban kee inikhaytô sanatak fereyhaytoh alsak sagalhaytoh ayro, magaalat maroh ten gasoosa yiggileenih.

Ermiyaas 4:31

Lacaw edde yemeete barrah xongoloh innah tanim yol radda. Naharsi-baxa xalta barra abta xongoloh bis le xongolo yol radda. Toh Yarusalaam mari abah yan weqweqsinto. Gaba deerih loonuuh, ‹Baati net tekkeh, bayneh nan! Nee selu waa mari mamaatat yan› iyyan».

Yacedkel 6:13

Woo oson Yalla 'yeenih yaqbuden duyye kee, sadgat elle aban aracih dariifal, raysi tittak bagul gacele. Kaxxa koomaami kee qaleelâ-sanaay, silal-le-coox kee sublâ-gubay qaydarus qeerisakaay xeet kee coox elle aqbuduk sugeenihiyyal, raysi raaqele. Too waqdi ummat inkih YALLI yoo kinnim aaxigele.

Qaamus 8:3

« ‹Yi cokmih ayro, malik qarih addal yakke saxxaq, weeqa keenil akkele. Mango marih ginaada kulli aracal qangalaylut raaqele. Raysitte kulli ikkel mamaxxaage sinnim qidimih sugele›. Tah intam YALLAY Mulki lehiyya.

Xafanya 1:15

Too ayro Yalli bagcarritu waa ayrooy, ummat gadaama kee cisab yabbaxu waa ayro. Too ayro baaxo abur edde takku wayta ayrooy, finqi edde yabbaxu waa ayro. Too ayro baaxol data qamburreey gaanibiy kaxxa dite le radele.

Xafanya 1:7

Mulki le YALLIH cokmih ayro xayih immay kay foocal tibba 'xica. YALLI too ayroh masgaada bicseeh, Yuudâ mara buubu waa marah seeco abeh.