Xafanya 1:1 - NABUWWA KEE MALIKWA

¹ YALLI Xafanya deqsita nabil ruube farmo ah teeti. A farmo YALLAK obtem, waktik Amon-Yoosiyaahu deqsita num Yuudâ-marih amoytah yen saakuk ten. Xafanyak kaxxa abba Ciskiyyaahu deqsita malikik ten. Ciskiyyaahu Amarya xaleeh, Amarya, Gedalya xale. Gedalya kaadu Kuusi xale; Kuusi, Xafanya xale. Xafanyak nasab toh elle yani inna.

Xafanya 1:1 ပူးပေါင်းရင်းမြစ်များ

2 Malikwa 21:18

Manasse rabeeh; malik qarik bustaan aracay Quddâ-bustaan deqsitahiyyal kaa yoogoqen. Kay baxi kay aracal malik yekke. Kay migaq Amonuk ten.

2 Malikwa 21:26

Amon rabe saaku, Quddâ-bustaanih addal yen kay kabrit kaa yoogoqen. Kay baxi Yoosiyaahu kay lakal malik yekke.

2 Aydaad 33:20

Manasse rabe saaku malikwâ-gasol kaa yoogoqen. Kay aracal kay baxay migaaqah Amon deqsitahiyya malik yekke.

Ermiyaas 1:2

Amón-Yoosiyaahu Yuudâ-rasul malik edde yekke taban kee sidochaytô sanatat, YALLIH qangara Ermiyaasal obteeh;

Ermiyaas 22:11

YALLI, Yoosiyaahû-Yowaacad giddinaamak iyyeemih, «Usuk isi abbah aracal malikih suge'mmay a baaxok kaa beeniih;

Ermiyaas 25:3

«Amón-Yoosiyaahu malik edde yekke taban kee sidochaytô-sanataay takke fanah, labaatanna kee sidiica sanatah, YALLIH farmo fiiruk geerah siinih warsa'mmay, maqal yok edde mahaysitinniton.

Yacedkel 1:3

YALLIH qangara yol obteeh; YALLI yo'lih yaabe waqdi, kay yab oobbeh, kay qande yoh tumbulle.

Hosiqa 1:1

Quddiyya kee Yootam kee Acad kee Ciskiyyaahu Yuudâ-rasul malikwah sugteeh, Israayil rasul kaadu Yahoqás-Yarobqam malikih suge dabaanal, YALLI Beqeerí-Hosiqal farmo ruube. Ruube farmo ah teeti.