Ruut 3:7 - NABUWWA KEE MALIKWA

⁷ Booqas makmo kee maqubuk gaba kalla hee waqdi xagar kaak ruffu iyye. Sarrak tittak bagul kobxisen caffali daroh xaquk xiina'gidih qaxah gacca 'ye. Too waqdi Ruut raarisak amma 'teh edde yumbuduude saro ibak kaak cankaffa hayteh ibi gubgubat kaak inaaqitte.

Ruut 3:7 ပူးပေါင်းရင်းမြစ်များ

2 Samuwel 13:28

Kay taamat yan marak iyyemii, «Amnon kaxxam yaskirem tablen waqdi, cubbusak suggu 'xicay; anu amri siinih aceeyyok, isin kaa qida. Mameysitina. ‹Macah kaa qiddeeniih?› siinik iyya mari yenek, yoo liton. Labha tikaay, tamahal namma kalbi mahana» keenik iyye.

1 Malikwa 21:7

Idebal too waqdi annah kaak inte, «Meqehik, atu malik kinnitoo hinnito? Katay, qarkaytok ugutay, mawariggitinay maaqo ukum. Nabotuk qinab-booxa anu koh ayyaaqeyyok, ama ikkek ugut» axcuk aytikuma kaah tecee.

Aster 1:10

Malcinhaytoh ayro malik qinabak bicsen kamri yooqobeeh, sarrak xagar kaak dagoom laqte waqdi, seelabu le marih malciiniy dibuk kay farmot yenehiyyah seece. Too mari migaaqah Mahuman kee Bidta kee Carboona kee Bigta kee Abagta kee Deetar kee Karkas deqsitak yenen.

Makaabon 19:22

Tonnal farcatat yanin waqdi, magaalah addal tan labhay taama akak toomehiyya garciik qari keenik marot heen. Qari afa keenil kaxxam yoogoren. Qari le numuk, «Ama ku buxa yemeete num annah afah nel eyyeq; fido kaat fanxa'gidih neh kaa eyyeq» iyyen.

Makaabon 19:6

Balli, «Meqeh hay» iyyeeh, sarrak maaqo baahen waqdi nammayak daffa 'yeenih yokmeeniih, yooqoben. Tohuk gaba kalen waqdi, kay balli qagseh kaak iyyeemih, «Ahaysa magexinay ku maganah farcitaay elle ne'lih xin» kaak iyye.

Makaabon 19:9

Too ayrot edde waqlak wadir, ballu kee kay barra kee isi taamah num gexoh ugutteeh; too waqdi balli iyyemii, «Ayro korteh bari yakkem faxam matablaana? Ahaysa bari siinit akkelek, magexinay elle xinna 'xicay, beera saaku dibrot ugutta 'teenih gexetton» kaak iyye.

Ruut 3:6

Too waqdi daro kee caffa tittak elle baxsan arac gexxeeh, tokkel tet ballo ab teetik inxicci 'tem inkih abte.

Ruut 3:8

Booqas barak gude tuk wariggiteh; ugte waqdi barra ibak gubat kaak tanim yuble.